عملولي بلوك.. بلوجر تشكو شركة جو باص: تسببوا في ضياع حقيبة زوجي ورفضوا يساعدونا وهددونا
نشرت بلوجر تدعى شاهي موسى، شكوى تخص شركة أتوبيسات النقل الشهيرة جو باص، بعد أن تسبب الموظفين والقائمين على العمل، في ضياع حقيبة زوجها التي تحوي أوراقًا مهمة، أثناء رحلته من محافظة الإسكندرية للقاهرة.
بلوجر تشكو من شركة جو باص للنقل
وظهرت شاهي، في مقطع فيديو نشرته على صفحتها بمنصتي تيك توك وانستجرام، تشير فيه إلى إهمال الشركة وسوء التنظيم الذي يعاني عملائها منه، قائلة: أصحاب الشركة عملولي بلوك علشان بقول الحقيقة، طب هفضل أقول للناس إن انتوا من أوائل الشركات الي لازم تتقاطع، لأن معندكوش ضمير ولا تنظيم.
وأضافت: جوزي حجز جو باص من إسكندرية للقاهرة، ولما نزل ملقاش شنطته، ولما سألهم قالوا فيه حد قال للسواق ينزله الشنطة دي، والمفروض أقل حاجة يكون فيه تيكت على كل شنطة برقم الكرسي.
وتابعت: المهم احنا تقبلنا إن حصل خطأ وممكن الشنطة نزلت مع حد تاني، والسواق جه قال مفيش شنطة، طب إيه العمل، اتواصلوا مع الشركة، ولما كلمنا الشركة عملولنا بلوك، مفكروش يسألوا أو يبصوا على الكاميرات، أو يكلموا الركاب ويسألوهم يمكن حصل تبديل بالغلط، والشنط دي فيها حاجات مهمة جدًا وورق مهم يخص مستقبلنا.
وظهرت شاهي في مقطع فيديو لاحق رفقة زوجها، تستعرض فيه آراء المتابعين في شركة جو باص، وكانت معظم الآراء أن الشركة تعاني من إهمال كبير كما أنها مقصرة بشدة فيما يخص إرضاء عملائها.
وأوضح زوج شاهي أنه نشر استغاثته على تطبيق ملتقى الوظائف الشهير LinkedIn، موجهة لرئيس مجلس إدارة الشركة، قائلًا: يا ريت حضرتك تشوف حل في المشكلة دي طالما خدمة العملاء مش هاممهم، وده بناء على إنهم عملولنا بلوك.
وأكد أنه قدم شكوى في وزارة النقل وجهاز حماية المستهلك، وحرر محضرًا في قسم الشرطة، ضد الشركة، وبدأ بعض الموظفين من الشركة محادثته من أرقامهم الخاصة، وفي النهاية عرضوا عليه تعويضًا قدره 1000 جنيه، ما دفعه لاعتبار الأمر استخفاف بمشكلته: الشنطة بعيدًا عن سعرها، الي جواها هدوم تكفي حد شهر من غير ما يغسل، وورق لو طلعتله بدل فائد هيكلفني الضعف.
وتابع: لما لقوا إن مفيش حاجة نافعة حد كلمني وبيقولهم سيبوهولي بقى يا جماعة مش هو عمال يعمل فيديوهات، وقالي احنا كمان عندنا شؤون قانونية هتبدأ تاخد إجراءات ضدك.
