معتز التوني عن فيلم إكس مراتي: مناسب للحدوتة المصرية.. والانسجام بين الأبطال باين على الكاميرا
تحدث المخرج معتز التوني، عن تفاصيل فيلمه الجديد إكس مراتي، بطولة الفنانة أمينة خليل، ومحمد ممدوح تايسون، وهشام ماجد، موضحًا أنه عمل على فكرة العمل منذ عامين ونصف.
وقال معتز التوني، في لقائه مع القاهرة 24: فكرة الفيلم كانت عندي وأنا كنت كاتبها سيناريو، وأنا عاجبني فكرة أن في ناس بتتطلق طيب بعد الطلاق وضع الإكس إيه؟، فكرنا في فكرة فيلم تليق معانا ومع الحدوتة المصرية أكتر أن ده بيحصل هنا، وده اللي خلاني أفكر في الفكرة واشتغل عليها، وأنا بحب الفيلم ده جدًا كان عندي من سنتين ونص.
معتز التوني عن فيلم إكس مراتي: مناسب للحدوتة المصرية.. والانسجام بين الأبطال باين على الكاميرا
وتابع التوني: الأول محمد ممدوح تايسون كان مش فاضي واستنيته، وبعدين عرضت الفكرة على هشام ماجد وحبها وعملنا الفيلم.
وعن كواليس تحضيرات فيلم إكس مراتي، فعلق معتز التوني: أنا قعدت مع تايسون وهشام، وقعدت مع أمينة لوحدها، وفكرة أن الدنيا بينهم فيها انسجام وتناغم ده حلو وكان باين على الكاميرا.
فيلم إكس مراتي
سيتم عرض فيلم إكس مراتي في جميع دور العرض المصرية والسعودية والعربية يوم 24 يوليو الجاري، والعمل مدعوم من صندوق big time بالشراكة مع المتحدة للخدمات الإعلامية وهيئة الترفيه السعودية.
ويشارك في فيلم إكس مراتي بجانب هشام ماجد ومحمد ممدوح وأمينة خليل، كلا من: علي صبحي، محمد أوتاكا، مصطفى غريب، خالد كمال، والعمل من إخراج معتز التوني، وتأليف أحمد عبد الوهاب، كريم سامي.
