استشارية نفسية: شيرين عبدالوهاب محتاجة أكتر من دكتور في تخصصات مختلفة
كشفت الدكتورة أمل محسن، استشارية الصحة النفسية، عن طريقة الدعم النفسي التي من الممكن أن تسهم في حل أزمة الفنانة شيرين عبد الوهاب، حيث قالت: خلونا نفرق بين شيرين عبد الوهاب قبل وبعد ارتباطها بحسام حبيب، شيرين قبل ارتباطها بحسام كانت نجمة مصر الأولى وحصلت على أكثر من جائزة في عدد من الدول العربية ومن ضمنها لبنان.
وتابعت الدكتورة أمل محسن في تصريحات خاصة لـ القاهرة 24: الناس كانت بتتعلم منها لإنها كانت بتختر ستايلست من بيروت، وماشية على نظام غذائي معين خاص بيها، وكانت ست ناجحة وعندها برنامج هو الأقوى على مستوى العالم العربي وعندها جمهور كبير، ولكن هناك بعض المتربصين وأعداء النجاح اللي طلعوا يحاربوها، وخاصة مع عدم وجود قانون يحرم ويقنن نشر الفيديوهات عبر منصات التواصل الاجتماعي، وشيرين قبل حسام مكانش عندها أي مشاكل غير الغيرة الفنية المتعارف عليها بين الفنانين.
وأضافت الدكتورة أمل محسن، استشاري الصحة النفسية: بعد ارتباط شيرين بحسام حبيب، اختفت وبدأت تقل الأخبار عنها وعن أغانيها، وأصبحت تقع في مشاكل مع شركات الإنتاج، وظهرت عليها زيادة في الوزن، إذًا الأزمة الحقيقية في حياة شيرين عبد الوهاب هي وجود حسام حبيب مش أي حد تاني، شيرين كانت حاجة كبيرة أوي، وزيادة الوزن اللي تعرضت لها شيرين عبد الوهاب بسبب الأدوية المضادة للاكتئاب والمهدئة للأعصاب.
واستكملت: أنا عندي عتاب على أطباء الصحة النفسية اللي قالوا إن شيرين عبدالوهاب مدمنة، ولكن دا ضد القانون ومفيش دليل واحد يثبت إدمانها، وعلاقتها بحسام حبيب مسمومة، شيرين محتاجة أكتر من دكتور في تخصصات مختلفة، ومشكلة شيرين عبد الوهاب محتاجة تتحل على عدة محاور طبية وقانونية ونفسية، عشان ترجع لـ شيرين بتاعت زمان.
