حنان شوقي: الحجاب اللي بجد موجود في آية وليضربن بخمرهن على جيوبهن وأنا مش بعري صدري
تحدثت الفنانة حنان شوقي عن تصريحاتها المثيرة للجدل عن الحجاب، خلال أحد البرامج العام الماضي، والتي عرضتها لانتقادات كثيرة.
وقالت حنان شوقي لـ القاهرة 24: المذيعة كانت عاوزة توقع بيني وزميلاتي المحجبات، وأنا لا أتدخل في حرية شخص حتى أختي، يبقى هتدخل في حياة زميلة دي قلة أدب.
وأضافت: الحجاب اللي بجد اللي أنا ماشية بيه في حياتي، زي الآية القرآنية: وليضربن بخمرهن على جيوبهن، وأنا بمشي في الشارع صدري مش عريان، وكل واحد حر يكفن نفسه يغطي نفسه، ووجهة نظري إن ربنا غفور وأرحم منه مفيش.
على جانب آخر، استنكرت حنان شوقي، استياء البعض من قطع الكهرباء وقالت: طول عمرنا واحنا صغيرين النور بيقطع وكنا أطفال بنفرح لما النور يجي، ونقول النور ولع والخواجة قلع، مش جديد علينا، ولكن وقتها مكانش فيه سوشيال ميديا ومفيش ناس بتولع الدنيا.
حنان شوقي: نفسي أتجوز وأخلف
وكشفت الفنانة حنان شوقي، في تصريحاتها لـ القاهرة 24، أنها تتمنى أن يرزقها الله بالزوج الصالح وتنجب أطفالًا، لافتة إلى أن أبناء أشقائها يعوضونها فقدان الأمومة، وقالت: الأمومة كنز وأنا مسلمة أمري للي خالقني وكل حاجة بإيده وطالما عايشة ممكن ربنا يرزقني وأتجوز وأخلف، وربنا قادر على كل شيء، وخلق سيدنا عيسى بكلمة، وأنا كلي أمل وطموح إني أرتبط وربنا ويرزقني بالزوج الصالح، ربنا قادر يحقق أحلامنا في ثانية ومفيش حاجة مستحيلة في الحياة.
