والدة الصغيرة ضحية والدها بالقليوبية: قال لها هنيمك نومة أبدية.. وقبل ما تموت كان نفسها تشرب| بث مباشر

شهدت منطقة أم بيومي التابعة لمدينة شبرا الخيمة، في محافظة القليوبية، استغاثة سيدة من تعرض ابنتها لوصلة عذاب على يد والدها، انتهت بإلقائه لها من شرفة المنزل ثم لقيت مصرعها.

أم كريمة تروي تفاصيل مصرع ابنتها على يد الزوج

وقالت أم كريمة، إن بداية الواقعة كانت اقتحام زوجها منزلها الذي تقيم فيه رفقة أبنائها الـ 6 من دونه، بعد تركها له لعدم مسئوليته والإنفاق على أبنائه، موضحة أن زوجها حطم لها شرفة الشقة السكنية التي تقيم فيها وعندما طلبت منه الرحيل والابتعاد عنها وعن أبنائها تعدي عليها بالضرب وأصابها بجرح، قائلة: كسر شباب شقتي اللي قاعدة فيها أنا وعيالي ولما قولتله أبعد عننا ضربني وعورني.

وأضافت والدة كريمة، أنها توجهت لقسم الشرطة لتحرير محضرًا ضد زوجها بعد تعديه عليها، لافتة إلى أنها خلال إجرائها المحضر ضده، تلقت منه مكالمة هاتفية لتهديدها بأنه سينهي حياة أبنائه، قائلة: اتصل بيا قالي لو مجتيش هموتلك عيالك كلهم دلوقتي.. ولما روحت قال لو مسمعتوش كلامي هموتكم.

وأردفت والدة كريمة: تاني يوم كنت رايحة شغلي لقيته جاي الصبح بادري وقالي أنا جاي أعد مع عيالي.. سبتهم ونزلت الشغل لقيته بيتصل بيا الضهر وصوته كان متغير وقالي عيالك كويسين.. وبعدها لقيت جارتي بتتصل بيا بتقولي تعالي جوزك بيموت بنتك.

واستكملت: لما روحت البيت لقيت بنتي ميتة، وعرفت من أخواتها أنه أعتدي عليها وشالها من رجليها وعملها زي المروحة ورماها من شباك الأوضة للصالة، ولما قالتله أنا هقول لماما كمل فيها ضرب.. مسك راسها وخبطها في شباك السرير الحديد أكتر من مرة، كانت بتقوله خلاص يا بابا مش هقول لماما بس سيبني أنام، قالها هنيمك النومة الأبدية.. وقبل ما تموت قالتله يا بابا عايزة أشرب خدها في الحمام ضربها بالمساحة على راسها ودلق عليها ماية لحد ماماتت.

وأوضحت والدة كريمة، أن ابنتها كانت تبلغ من العمر 4 أعوام، وكان دائما والدها يشكك في نسبهًا طمعًا في ثروة أسرتي، مضيفة: كان بيشكك في نسب كريمة وأخوها رحيم عشان طمعان في أهلي لأنهم مبسوطين.. وقالي أنا عارف أن هما عيالي بس أنا هعمل تحاليل عشان أغرم أهلك الفلوس، لأنهم مش بيدوني فلوس.