سميرة عبد العزيز من مكتبة الإسكندرية: الشباب مش لاقين اللي ينصحهم يقرأوا إيه | بث مباشر

أكدت الفنانة سميرة عبد العزيز، خلال ندوة مكتبة الإسكندرية أهمية دور الثقافة والقراءة لدى شباب الجيل الحالي.

الفنانة سميرة عبد العزيز تتحدث عن أهمية دور القراءة والثقافة

وقالت الفنانة سميرة عبد العزيز: الشباب الجديد مش لاقي حد ينصحه ويقوله يقرأ إيه إحنا لقينا اللي يقولنا.. وعندي الشباب ولادي مش عارفين يقرأوا إيه.. ولازم أنا اللي أحددلهم اللي يتقرأ.

وأردفت عبد العزيز: لازم كل أب وأم يراعوا أنهم يجيبوا لأولادهم الكتاب المفيد ليستفيدوا منه، ويقوله خد اقرأ ده وقولي أنت فهمت إيه.. وأنا والدي كان بيعمل معايا كدة.. وكان بيجيب لنا الكتب أنا وأخواتي الـ 6 ويقولنا أقرأوا وقولولي كل واحد فيكم فهم إيه.. وكنا بنجتهد جدا أنا وأخواتي في القراءة وكان كل واحد عايز يبقى أحسن من التاني.

واستكملت الفنانة سميرة عبد العزيز: بتمنى كل أب وأم عندهم شباب يجيبولهم كتب يقرأوها ويطلبوا منهم يحكولهم هما فهموا إيه، مش بس يقرأ وخلاص.