بهجت عدلي: فيه فنانين لو مشتغلوش بيتسولوا.. وهناك نجوم ماتوا من القهر
أعرب الفنان بهجت عدلي عن استيائه من قلة مشاركته في أعمال فنية، مشيرا إلى أن هناك فنانين يتسولون بسبب قلة العمل.
وأشار في تصريحات لـ القاهرة 24 إلى أن هناك مجموعة من الفنانين يتعرضون للإصابة بأمراض خطيرة تؤدي للوفاة، بسبب ابتعادهم عن الساحة الفنية.
وقال: قلة مشاركتي في أعمال فنية نصيب، لكن ربنا عادل وهيرزقني، الوسط الفني فيه شللية، والشغل حاليًا بقى صعب، رغم إني مليش طلبات، لكن معرفش ليه مش بتشغل، جيل كتير زيي قاعدين في البيت.
تصريحات الفنان بهجت عدلي
وتابع بهجت عدلي: المنتجين بقوا بيحسبوها بـ الفلورز وكلها مصالح، أنا سايبها على ربنا علشان متصابش بأمراض لأن في فنانين بيتسولوا بسبب قلة الشغل، وفي ناس بتموت من القهر، وأنا ندمت إني معملتش مشروع بجانب الفن.
وفي سياق آخر، سبق آثار بهجت عدلي حالة من الجدل، بعد تصريحاته بأن زوجته هي من تنفق على البيت، وذلك بسبب قلة عمله في الفن.
وقال في تصريحات تلفزيونية: الفن مالوش أمان بمعنى إن الفن يخليك تعوز وتحتاج، أصل ده بمزاجك ومحدش غصب عليك إنك تدخل الفن، والنقابة مبتشغلش حد، أشرف زكي بيعمل حاجات تانية يشكر عليها، ساعات كتير بيكون مفيش فلوس في البيت، ولما مبشتغلش المدام بتصرف على البيت، وبنساعد بعض والحياة كده هنعمل إيه وهشتغل إيه.
