دعوى طلاق تثير الجدل بسوهاج.. الزوجة عايز مكافأتي عشان يشتري جاموسة لوالدته.. والزوج: طلبت منها الفلوس سلف وهي رفضت
أثارت دعوى طلاق أقامتها مدرسة بمحافظة سوهاج جدلًا واسعًا على مواقع التواصل الاجتماعي، ما بين مؤيدٍ لموقف الزوجة ومعارضٍ له.
بعد رفعها دعوى طلاق ضد زوجها بسبب طلبه أخذ مكافأة الامتحانات.. الزوج: كنت عايز الفلوس سلف
الدعوى أقامتها ربة منزل تُدعى "شيماء. م" 39 عامًا، مُدرسة، ضد زوجها، بسبب خلاف فيما بينهما عقب طلب زوجها منها مكافأة الامتحانات الخاصة بها، ورفضها إعطائه المبلغ.
من جانبه نفى الزوج مزاعم زوجته، مشيرًا إلى أنه طلب منها مبلغ المكافأة الخاصة بها على سبيل "السلف" واعدًا إياها برد المبلغ لها في أقرب وقت.
وأضاف الزوج للقاهرة 24: "أنا لما لقيت والدتي محتاجة مبلغ تكمل بيه عشان تشتري جاموسة للبيت، طلبت من مراتي مبلغ المكافأة اللي هو 3 ألاف جنيه على سبيل السلف، بدل ما استلف من الغريب، ووعدتها إني هارد المبلغ في أقرب وقت، مش زي ماهي قالت واتهمتني إني عايزة أخده بدون ما أرجعه ليها تاني".
وأكد الزوج، أنه لم يكن ينوي أخذ مبلغ المكافأة الخاصة بها كما ادعت، لكنه طلب منها بالفعل لكن على سبيل السلف لحين توفر المبلغ معه ويقوم برده لها، مُبديًا تعجبه من تصرفها ورفعها دعوى طلاق ضده.
وأضاف الزوج: "احنا متزوجين من حوالي 10 سنين، ومن يوم ما اتجوزنا واحنا بنصرف من مرتبي ومرتبها، عشان نقدر نكفي مصاريف العيال، والحمد لله مش حارمها هي ولا العيال من حاجه بقدر المستطاع، والمكافأة اللي هي بتقول عليها إني باخذها منها كل سنه وأصرفها على والدتي، محصلش إني إديت والدتي مليم من فلوس مراتي، لكن لو والدتي احتاجت حاجه كنت بجبهالها من مرتبي عادي ومفيش حاجه تخليني أمنع نفسي ولا مرتبي عن أمي، دا سيدنا النبي قال أنت ومالك لأبيك".
وكانت الزوجة قد لجات إلى رفع دعوى طلاق ضد زوجها، مشيرةً إلى أنها متزوجة منذ أكثر من 10 أعوام من أحد الأشخاص يعمل "مدرس" ولديها منه 4 أبناء، ويقوم كل عام بأخذ مكافأة الامتحانات الخاصة بها بسبب وبدون سبب، بالرغم من احتياجها لها لشراء مستلزمات خاصة بها، وخلال الأيام الماضية، طلب منها أن تعطيه المكافأة الخاصة بها من أجل أن يكمل عليها ويشتري بها "جاموسة" لوالدته.
وأضافت الزوجة: "كل سنه ياخد فلوس المكافأة بتاعتي ويصرفها في البيت أو على إخواته، وانا حتى مش بيتبقالي منها 100 جنيه أشتري بيها حاجة لنفسي، وكنت بقول معلهش، وبرغم إني محتاجة حاجات كتير لنفسي والعيال، إلا إنه مش بيفكر فينا خالص، أهم حاجه يرضي أهله وأخواته، لحد ما طلب مني السنة دي إنه ياخدها عشان يكمل على فلوس والدته ويشتري ليها جاموسة، ولما رفضت ضربني وبهدلني وقالي إنه هاياخدها غصب عني، وهددني إنه هياخد العيال مني ويطردني من البيت، لحد ما زهقت من العيشة معاه".
وأمام تعنت الزوج وإصراره على موقفه من زوجته، لم تجد الزوجة حلًا أمامها سوى ترك منزل الزوجية والإقامة في منزل أسرتها ورفع دعوى طلاق للضرر الواقع عليها منه.
