عادل عوض عن زواج ابنته جميلة: زوج بنتي مكتمل الرجولة ووصيتها تسمع كلامه
تحدث المخرج عادل عوض عن كواليس حفل زفاف ابنته جميلة عوض من المونتير أحمد حافظ، بجانب حديثه عن زوجها ونصائحه لها.
وقال عادل عوض خلال لقائه مع القاهرة 24: سعيد بأغنية جميلة جميلة اللي غناها عمرو دياب، الأغنية جميلة وتحفة وحسيت أنها أغنية الفرح واختارت أرقص معاها على الغنوة دي، وتشرفت بوجود عمرو دياب في الفرح.
وأضاف: جميلة أحلى حاجة في حياتي وأكبر فرحة في حياتي وأهم حاجة، وأحمد حافظ في مقام ابني وهو ابن صديقي، وسعيد به جدا لأنه مكتمل الرجولة وفاهم وشاطر شغله وعصامي وبنى نفسه بنفسه، وهو ابن المهندس الفنان زميلي في المهنة أستاذ محمود حافظ اللي بيسموه الأخلاق ماشية على رجليه وأكيد هيكون زيه، ووالدته ست جميلة وهو جاي من بيت عظيم، والاقي ناس يقولوا لي إيه نصيحتك لـ جميلة، لما ألاقي راجل في هذا المستوى اديله نصيحة؟.
وتابع عادل عوض: بنصح بنتي تسمع كلامه لأنه محترم جدا وجميل ومفيش منه اتنين وأنا حابه جدا ويا رب أسعدهم وفرحهم ويوم فرحهم كان أجمل يوم في حياتي.
