عمر حسن يوسف: عمري ما اشتغلت بالواسطة.. ومش هطلب من محمد سامي أدوار
أكد الفنان عمر حسن يوسف، أنه لم يدخل مجال الفن بواسطة والده الفنان حسن يوسف، مشيرًا إلى إن جميع أعماله جاءت له بعيدًا عن والده.
وقال عمر حسن يوسف خلال تصريحات لـ القاهرة 24: أنا مدخلتش مجال التمثيل بواسطة والدي حسن يوسف، وعمري ما اشتغلت دور بسبب واسطته، ولو بشتغل بالواسطة مكنتش هقعد من التمثيل 6 سنوات.
وأضاف عمر حسن يوسف، متحدثا عن عمله مع المخرج محمد سامي، حيث عمل معه سابقا في مسلسل الأسطورة عام 2016، وقال: بحب الشغل مع محمد سامي وحققت معاه نجاح كبير بمسلسل الأسطورة، ولكن مش بسأله على أدوار أشتغلها معاه لأنه عارفني وعارف إني موجود، ولو عايزني هو هيقولي.
عمر حسن يوسف يكشف أسباب ابتعاده عن التمثيل
وسبق وكشف عمر حسن يوسف أسباب ابتعاده عن التمثيل لسنوات، حيث قال: مش موجود الفترة دي على الساحة الفنية عشان بشتغل حاجة تانية جنب شغلي، والشللية بقت حاكمة، الناس بتشغل صحابهم وصحاب صحابهم وناس كتير موهوبة وطلعت قبلي ومش بتشتغل.
وواصل عمر حسن يوسف: هي بقت ملهاش مقياس وأنا مش متضايق لأني آخر حاجة قدمتها كانت مسلسل مع هالة خليل ويحيى الفخراني، ولازم يمشوا الشغل بالطريقة الصح واختبارات تجارب الأداء.
