محمد ممدوح: اتعاملت مع رد سجون.. وشخصيتي في طريقي كانت الأصعب لواقعيتها
تحدث الفنان محمد ممدوح، عن شخصياته البارزة في مشواره الفني، حيث أكد أن شخصيته في مسلسل طريقي، كانت صعبة بشكل كبير.
وقال محمد ممدوح: شخصية سيد سفنجة في مسلسل طريقي، كانت أصعب من شخصيتي في مسلسل جراند أوتيل، لأن شخصية أمين كانت خيالية ومفيش حد كدة في الواقع، فكنت حر ألعب بدماغ المتفرج، لكن شخصية سيد، موجودة بكثرة في الواقع فكان لازم أعمله صح.
وتابع محمد ممدوح، متحدثًا عن دور رد السجون الذي جسده أكثر من مرة في أعماله، وقال: دور رد السجون عملته مرتين في فيلم شقو، وإكس مراتي، وبالفعل تعاملت مع ناس خرجت من السجن.
محمد ممدوح: التعليقات السلبية مش بتأثر عليا
وسبق أن تحدث محمد ممدوح، عن علاقته بالسوشيال ميديا، وقال: التعليقات السلبية على السوشيال ميديا مش بتضايقني ولا بتأثر بيها، ومش برد على حد، لكن لو في انتقاد إيجابي وأحس إنها فعلا مشكلة عندي، بشتغل عليها على طول.
وأردف ممدوح: بتقبل الانتقادات، بس مش بحب حد يتريق عليا، ولما بعض الجمهور علقوا على صوتي ونَفَسي وإنهم مش بيسمعوني كويس، تقبلت ده واشتغلت عليه مع دكتورة متخصصة، والحمد لله صوتي اتطور والناس كمان قالت كدة.
