سوما تسترجع ذكريات أغنية اللي في عيني: تفاجأت بشخصية بهاء سلطان وخجله الشديد
استرجعت المطربة سوما كواليس تعاونها مع الفنان بهاء سلطان بأغنية اللي في عيني، والتي قدمتها معه ببداية مشوارها الفني.
سوما: تفاجأت بشخصية بهاء سلطان وخجله الشديد
وقالت سوما في لقائها مع القاهرة 24: لما مضيت عقدي مع أستاذ نصر محروس قالي لي إني هقدم ديو غنائي، وتفاجأت أنه هيكون مع بهاء سلطان، وقلت له مش ممكن وصعب لأني لسه ببدأ وهو مطرب كبير وشعبيته كبيرة، لكنه أصر وقال لي انتي مش فاهمة وأنا عارف بقولك إيه.
وأضافت سوما: تفاجأت بشخصية بهاء سلطان وإحنا بنصور الفيديو كليب، لقيت إنه شخصية طيبة وحنينة وخجولة فوق الخيال، وبيتكسف جدا وطيب أوي ومش حاسس بأهميته ولا أهمية صوته، وأنا بسميه وش السعد عليا وإحنا علاقتنا مستمرة لحد دلوقتي، وأتمنى يكون فيه تعاون جديد بينا لأنه شخصية جميلة وإضافة لأي حد وأضاف لي كتير.
على جانب آخر، تحدثت المطربة سوما عن كواليس عودتها للغناء، بعد غياب لسنوات طويلة، بسبب معاناتها من أزمة صحية أدت لاختفائها عن جمهورها، مشيرة إلى أن العودة بالنسبة لها كانت أصعب من البداية، خاصة أنها تركت نجاح ورصيد لجمهورها ولكن العودة كان بها ترقب وخوف وقلق.
