والد ومدرب محمد السيد لـ القاهرة 24: كنا مستهدفين الميدالية الذهبية.. وأول الغيث قطرة
تحدث والد محمد السيد ومديره الفني في لعبة منافسات السلاح مبارزة، عن فوز نجله بأول ميدالية مصرية في أولمبياد باريس 2024، وهي الميدالية البرونزية على حساب لاعب المجر تيبور أندراسفي.
والد محمد السيد لـ القاهرة 24: كنا مستهدفين الميدالية الذهبية
وقال والد محمد السيد في تصريحات خاصة لـ القاهرة 24: الحمد لله فخور جدًا، وكلنا بندعي ربنا، وكل البعثة بتدعي ربنا إن إحنا نعمل إنجاز.
وأضاف: كنا جايين وعندنا تخطيط ومستقبل وكنا مستهدفين الميدالية الذهبية، واللاعب اللي فاز علينا في نصف النهائي كسبناه قبل كده في كولومبيا وطوكيو، والنهاردة ضاعت مننا الميدالية الذهبية، لكن الحمد لله قدرنا نحقق البرونزية.
وأكمل: شباب مصر يقدروا يحققوا إنجازات، ولازم نصبر على ولادنا، وبالتخطيط السليم، وأول الغيث قطرة إن شاء الله.
واختتم والد اللاعب محمد السيد حديثه قائلًا: ابني بيلعب وهو 6 سنين وبنمشي على خطوات والمؤسسات والهيئات بتدعمنا، وعندي محمود السيد بطل أولمبي وأحمد السيد حصل على برونزية كأس العالم في الجزائر 2021، والحمد لله الحلم أصبح حقيقة والإنجاز بعد ما كان حلم أصبح يقين.
