خدي فلوسك وامشي.. سيدة تشكو من جولدز جيم بسبب وقوف الرجال أمام غرفة السيدات لتغيير الملابس
كشفت سيدة عن شكواها بسبب طردها من إحدى الصالات الرياضية الشهيرة في محافظة الإسكندرية بعد اعتراضها على وقوف الرجال أمام غرف تغيير ملابس السيدات.
سيدة تشكو من جولدز جيم بسبب وقوف الرجال أمام غرفة السيدات لتغيير الملابس
ونشرت سيدة تُدعى هبة الحُشي منشورًا عبر موقع التواصل الاجتماعي فيس بوك، تشكو فيه بسبب طردها من صالة جولدز جيم الرياضية الشهيرة بمحافظة الإسكندرية، وذلك بعد اعتراضها أمام الإدارة عن وقوف أحد الرجال أمام غرفة تغيير ملابس السيدات، رغم وجودها في وقت مخصص للسيدات فقط داخل الصالة.
وقالت السيدة هبة عبر منشورها: تجربة لها علاقة بالأخلاق والأمانة أكثر منها خدمة أو سلعة، أنا محجبة بتمرن سباحة في Gold’s gym فرع منطقة أبيس في الإسكندرية في ساعة مُخصصة للسيدات فقط بالجيم، وكنت بغير ملابس السباحة في نفس الوقت واحدة من مدربي السباحة فتحت باب غرفة تغيير الملابس تتكلم مع مُدرب راجل واقف أمام باب غرفة تغيير الملابس.
وأردفت التفاصيل: اعترضت على تصرفها وقلت لها إنتي بتعملي إيه اقفلي الباب.. لكن المُدربة بصت لي بس ومردتش عليا، وبعدها قلت لها ميصحش تفتحي الباب بالطريقة دي وميصحش راجل يتواجد أساسًا في المنطقة دي في الوقت المُخصص للسيدات والمفروض تعتذر، لكن المدربة بكل ثقة مردتش بردو عليا.
خدي فلوسك وأمشي.. سيدة تشكو من سوء المعاملة في جولدز جيم
وتابعت السيدة هبة أنها خرجت من غرفة تغيير الملابس، قائلة: طلعت من الغرفة وراها واتعصبت ووصفتها بعدم الاحترام اللي هو أقل وصف لواحدة مستفزة عملت موقف زي ده ومشيت بدون اعتذار، وطلعت لإدارة الجيم اللي لمت الموضوع طبعًا أمام المتواجدين ودخلوني مكتب وقالوا هنحقق.
وأضافت: ساعات بسيطة واتصلوا قالوا يا ريت ماتجيش الجيم 3 أيام، وبعدها بعتوا لي قالوا أجي أخد فلوسي باقي الاشتراك السنوي، والموقف عليه شهود طلعوا كتبوا كومنت وخدمة العملاء كلمتهم تثبتهم وتعتذر لهم.. والموقف نفسه حصل قبلها بأسبوع مع سيدة وبنفس الطريقة قالولها متجيش الجيم تاني.
سوء الإدارة في جولدز جيم الإسكندرية
وكتبت السيدة هبة: طبعًا تصرف الإدارة أنه بدون تحقيق ولا اعتذار وثقة المدربة الشديدة مريب جدًا، على الأقل لو أي حد عمل حاجة زي دي بدون قصد هيقول مكنتش أقصد إنما الثقة الشديدة بإن محدش هيعمل لها حاجة، وإنها بتسهل للرجل الاطلاع على السيدات بيخلي موقف الإدارة كأنه متورط في حاجة زي دي.
واختتمت منشورها قائلة: أولًا وأخيرًا يا ريت كل سيدة تاخد بالها كويس جدًا من نفسها وماتسيبش حقها وتاخده، وربنا يحفظنا ويسترنا ويستر أولادنا جميعًا.
