مينفعش نهدم رموزنا.. ناقد موسيقي: شادية هي صوت مصر مش أنغام ولا شيرين
كشف الدكتور أشرف عبد الرحمن الناقد الموسيقي بأكاديمية الفنون، رأيه بشأن جدل لقب صوت مصر، وجاء ذلك بعد طرح الفنانة أنغام ألبومها الجديد بعنوان تيجي نسيب، من إنتاج شركتها صوت مصر.
ناقد موسيقي: شادية هي صوت مصر مش أنغام ولا شيرين
قال أشرف عبد الرحمن في تصريحات لـ القاهرة 24: لقب صوت مصر أطلق على شادية من الأول، لما نقول العندليب عارفين إنه عبد الحليم حافظ، مش عارف إيه التمسك بصوت مصر سواء كانت أنغام أم شرين عبد الوهاب، مضيفا: صوت مصر واحد وهو الفنانة شادية، دي مسميات مينفعش نغيرها وخطأ، إحنا كدة بنهدم رموزنا.
وأضاف أشرف عبد الرحمن: مينفعش ممثل يطلع يقول أنا الزعيم وإحنا عندنا الزعيم عادل إمام، اللي خدت اللقب شادية وعادي أن أنغام يبقى عندها شركة إنتاج وتسميها صوت مصر، لكن تاخد اللقب كصوت مصر لا هي مش صوت مصر مع احترامي ليها، ياريت يختاروا مسميات أخرى سواء هي أوغيرها لأنهم بيتخانقوا على حاجة مش بتاعتهم.
أعمال أنغام
يشار إلى أن أنغام طرحت مؤخرًا أحدث أغانيها بعنوان وبقالك قلب، ضمن ألبومها تيجي نسيب، وهي من كلمات أميرة طعيمة، وتوزيع وميكس وماستر طارق مدكور، وطرحتها عبر موقع الفيديوهات الشهير يوتيوب.
كلمات أغنية وبقالك قلب
وجاءت كلمات اغنية وبقالك قلب، كما يلي: وبقالك قلب وبقيت بتحب والله فرحتلك، لو فعلًا فقت بصراحة زهقت مبقتش بحنلك، قول للزمان يرجع من تاني يمكن يومها عذابي يروح مجروح ده إيه محتاج لحناني، وأداويك منين وأنا كلي جروح وبقالك قلب، وأنا وأنت خلاص مبقاش في حاجة هتجمعنا، وبقينا سراب وحكاية سيرتها بتوجعنا ولا هبكي عليك ولا تبكي عشاني.
