إليسا عن خلع حذائها بالمسرح: عندي مشكلة في رجلي.. والجمهور هيسمعني حتى لو غنيت من غير كعب
كشفت الفنانة إليسا عن سبب خلعها المتكرر لـ حذائها على المسرح، وهو الأمر الذي أثار الجدل بين مستخدمي السوشيال ميديا خلال الفترة الماضية.
وقالت إليسا خلال تصريحاتها التلفزيونية الأخيرة: عندي مشكلة في رجلي، وكان في حذاء مريح أكتر، وأنا طالعه انقطعت، وأُجبرت ألبس واحدة تانية مقدرتش أقف بيها، وأنا عليا أقدم أغاني حلوة مش نهاية العالم لو غنيت من غير كعب.
وحلت إليسا مؤخرًا ضيفة في برنامج بيت السعد الذي يقدمه الفنان أحمد سعد وعمرو سعد، حيث تحدثت خلاله عن مواصفات فتى أحلامها، موضحة: أنا مش صعبة أوي، بس اللي هيجذبني للشخص الكاريزما بتاعته، شكله ييجي بعد كدا، والكاريزما غير الشكل ونفس الشيء عند البنات، والشخص اللي عنده كاريزما أفضل من الشخص اللي شكله حلو، ومع فكرة الرجل الذي يجمع بين زوجتين.
وقالت إليسا: أنا مع أن الشخص يتجوز زوجة تانية بس مايسبهاش، بس أنا بيئتي وثقافتي مينفعش يكون فيه زوجة تانية، أنا مقبلش.
وأضافت: قبل كدا دخلت في علاقة حب مع شخص مسلم وعرفت في نص العلاقة إنه متجوز، سبته عشان محبتش أبني سعادتي على حساب ست تانية، وهو زي كل الرجالة قالي بينا مشاكل وهنطلق، بس موافقتش أكون ست تانية.
برنامج بيت السعد
ويقدم الشقيقان أحمد وعمرو سعد، برنامجا بعنوان بيت السعد، من إخراج محمد سامي، ويستضيف عددا كبيرا من النجوم، منهم: أحمد السقا، محمد هنيدي، إليسا، مي عمر، منة شلبي، وغيرهم.
