17 سبتمبر.. نظر دعوى المذيع خالد عليش ضد طليقته
حددت محكمة القاهرة الاقتصادية، جلسة 17 سبتمبر المقبل، لنظر الدعوى المقامة من المذيع خالد عليش، ضد طليقته.
المذيع خالد عليش
وفي وقت سابق، كشف الإعلامي خالد عليش، عن تفاصيل تعرضه للابتزاز من طليقته، حيث أشار إلى أنها تطالبه بسداد العديد من الأموال والنفقة على ابنته بشكل مبالغ فيه ـ حسب قوله ـ، مؤكدا أنه يلتزم بسداد كافة مستحقات ابنته، غير أنه فوجئ بابتزاز طليقته الدائم له.
وقال عليش، في منشور عبر حسابه الشخصي على فيس بوك: حسبي الله ونعم الوكيل، من 1-9-2020 وقت الانفصال بيني وبين أم طفلتي وأنا ملزم بكل النفقات والأجور المتفق عليها، ومصاريف الدراسة واللبس المتفق عليه وقت الانفصال مع الاختلاف في بعض الزيادات، ومنها المبالغة في التمارين الرياضية، بتمرن البنت 7 رياضات مختلفة (دي مش مبالغة ده رقم حقيقي)، وبالرغم من أني مش بعرف أشوف بنتي بالشكل المتفق عليه، بس مستحيل أتأخر في التزاماتي، وابعت بالتحويلات البنكية، وبالمناسبة مبالغ كبيرة أنا وافقت عليها وما اعترضتش عشان محدش يقول بتاخد ملاليم.
وأضاف: المحامي بيقولي لازم إنذار رسمي، أقوله مفيش داعي كدة كدة أنا هدفع خليها تاخد الفلوس في حسابها بكل أريحية، مفيش داعي للبهدلة، من كام شهر لقيت دعوى حبس إني مش بدفع النفقات استغربت، وقلت يمكن عشان اللخبطة بس وكملت دفع في البنك عادي حتى أكتوبر 2023 عبيط بقى، ومعي ما يثبت ذلك في التحويلات البنكية.
وتابع: قبل الجلسة، جلسنا وديًا في وجود المحامين، وطلبت مني مصاريف أخرى وتم ابتزازي بطلبات أخرى مبالغ فيها مقابل الاعتراف باستلام المبالغ دي، واختلفنا بس في شهر واحد محسوب غلط، قُلت لو رسيت على شهر مش مشكلة بسيطة، دخلت المحامي الخاص بيها، ومحضرتش أمام المحكمة، وهو قال إحنا مخدناش منه حاجة، ودي تحويلات أخرى بينهم ملهاش علاقة بالنفقات، والمحكمة هتطلب مني أدفع الفلوس مرة تانية، أنا مستحيل كنت أصدق إن ده يحصل، بس القانون لا يحمي المغفلين.. الحمد لله وحسبي الله ونعم الوكيل، والحق هيرجع هيرجع، بس أديك شُفت معادن الناس الحقيقية.
