مطرب مهرجانات ومحامي شهير.. ننشر اعترافات شقيق عصام صاصا في اتهامه بتزوير توكيل| خاص
كشفت التحقيقات في واقعة اتهام شقيق مطرب المهرجانات عصام صاصا بتزوير في أوراق رسمية، وتحرير توكيل لشقيقه عصام صاصا الهارب خارج البلاد، عن أن المتهم اشترك في واقعة التزوير.
اعترافات شقيق عصام صاصا في اتهامه بتزوير توكيل
وحصل القاهرة 24 على أقوال شقيق عصام صاصا أمام جهات التحقيق بواقعة اتهامه بتزوير توكيل عصام صاصا، قائلا: اللي حصل إن بعد ما عصام عمل حادثة طريق الدائري وتسبب في وفاة شخص أثناء عبوره الطريق، وكان عنده حفلة متحددة من زمان في 9 مايو 2024 هو سافر ساعتها عشان يحضر الحفلة دي وبعدها ساره. خ، كلمتني من رقم دولي من الإمارات وقالت لي في شخص هيكلمك وهتروح تقابله تأخذ منه ظرف هتاخده وتخليه معاك.
وأضاف المتهم في أقواله أمام جهات التحقيق: بعدها في رقم مصري كلمني قالي أنا محمود مع سارة هبعتلك لوكيشن عشان تیجی تقابلی وابعتلي صورة بطاقة عصام صاصا فأنا بعتله صورة البطاقة وش وظهر وروحت على اللوكيشن اللي بعتهولي بسيارة أوبر وقابلته وركب معايا في العربية وكان معاه ورق وقالي أمضى هنا بالاستلام وابصم وأخدت منه الظرف ومشيت وما فتحتوش.
وتابع المتهم أمام جهات التحقيق: وبعدها بيوم تقريبا سارة كلمتني ثاني وقالتلي ودي الظرف اللي معاك للمحامي فأنا روحت مكتب المحامي وقابلني واحد على السلم وقالي أنت أستاذ محمد فقولتله آه وأديته الظرف ومشيت.
وأكد المتهم في أقواله: وبعدها بكام يوم عصام كلمني وقالى هتروح تودى للمحامي الأتعاب بتاعته وقالي استلف مبلغ من نسيبه وروحت مكتب المحامي عند السكرتاري، قالوللي استنى هنعد الفلوس وقعدت لما عدوا الفلوس وشوفت حد هناك كنت شوفته قبل كدا مع المطرب م. أ، وس. أ، فعرفت إنهم جوه والسكرتيرة عدت الفلوس وأنا مشيت ساعتها ومقابلتش حد وكنت عايز القابل المحامي بس معرفتش بعدها عصام قالي إنه هيعملى توكيل رسمي عام ومعاذ استلمها واديهالي وروحت الشهر العقار عشان هو طلب من الغى التوكيل بتاع سامية المحامية فقالولي إن التوكيل دا لازم يتصدق الأول فروحت صدقتها من الخارجية وروحت أودعت التوكيل اللى عملهولى عصام وبعدها روحت لغيت توكيل المحامية.
وكانت قررت جهات التحقيق في جنوب الجيزة، إحالة مطرب المهرجانات عصام صاصا وشقيقه وآخرين إلى محكمة الجنايات، لاتهامهم بالتزوير في محررات رسمية.
