محمد فؤاد في أبرز تصريحاته: اتلوحت بعد فرح ابني وهتبرع بجاكيت لـ57357.. وجيلي كان بيخاف ربنا
تحدث الفنان محمد فؤاد عن تفاصيل إصابته بالعصب السابع، بجانب الكشف عن رأيه في كلمات الأغاني الحالية، وذلك خلال حفله الذي أقيم أمس في مهرجان العلمين الجديدة.
ونستعرض لكم في السطور التالية أبرز تصريحات محمد فؤاد لجمهوره على المسرح
-يوم فرح ابني عبد الرحمن حد حسدني وقالي على الجاكت بتاعي إنه حلو مع إني مستلفة بعديها اتلوحت.
- إن شاء الله هبيع الجاكيت بأغلى سعر وهتبرع بالفلوس لصالح مستشفى 57357.
-علموا أولادكم يسمعوا الأغاني الحلوة عشان ربنا يحبنا.
- الكلام الوحش سهل يتعمل بس كنا بنخاف من ربنا، جيلنا كان بيخاف ربنا عشان منطلعش جيل وحش منحرف.
- ربنا هيحاسب كل مطرب على اللى بيغنيه.
- أهم حاجة الجمهور يشوفك يحبك عشان الكلمة.
- دلوقتي بقى في غل وحقد، عشان كده بشكركم وبشكر مُساندتكم لجيلي.
- خالد عجاج بيتقي ربنا، بوصي الحب الحقيقي وعايشة لحد دلوقتي.
وضمت كاسيت 90، كل من محمد فؤاد، وإيهاب توفيق وهشام عباس، وحميد الشاعري، خالد عجاج، حيث قدموا باقة من أجمل أغانيهم المميزة، ضمن فعاليات النسخة الثانية من مهرجان العلمين الجديدة.
إصابة محمد فؤاد بالعصب السابع
وكان الفنان محمد فؤاد، طمأن جمهوره على حالته الصحية بعد إصابته بالعصب السابع خلال الفترة الماضية، عقب احتفاله بحفل زفاف نجله، حيث قال خلال تقديمه واجب العزاء في الدكتور محمد علي محجوب، وزير الأوقاف الأسبق، بمسجد عمر مكرم: أنا كويس طول ما أنتم كويسين.
