هند عاكف عن انتقادات فستانها بمهرجان القومي للمسرح: بلبس اللي شايفاه مناسب ليا
علقت الفنانة هند عاكف، على الانتقادات التي تعرضت لها بعد حضورها فعاليات الدورة الـ17 من مهرجان المسرح القومي، وارتدائها فستانًا باللون الأزرق ومفتوح من ناحية الصدر وبه بطانة.
هند عاكف: بلبس اللي شايفاه مناسب ليا
وقالت هند عاكف لـ القاهرة 24: أنا بلبس اللي شايفاه مناسب ليا ومش هدخل الدين في المواضيع دي، وبلاش نتطرق في حاجات مينفعش نتطرق ليها نهائي.
وأكدت هند عاكف أنها لم تقصد إثارة الجدل أو التريند بظهورها بهذا الفستان، قائلة: مش بقبض من التريند وهل في حد بيديني فلوس؟، هجري ليه وراه وإحنا كفنانين مش بنكسب من التريند حاجة.
وأضافت هند عاكف أنها لا تستهدف التريند بإطلالاتها بإنما بأعمالها الفنية، قائلة: أنا عملت أغنية عن فلسطين وكنت أتمنى تطلع تريند لأن دي رسالة وتضامن مع الشعب الفلسطيني، وده دوري كفنانة.
هند عاكف: المصمم اللي اختار الفستان
وواصلت: مرة لبست فستان كليوباترا وكنت أتمنى يطلع تريند علشان أوضح للناس إن الفستان الفرعوني الكم الطويل والفساتين المحترمة ممكن تطلع تريند، وأنا ما اخترتش الفستان سبت الاختيار للمصمم، قلت له يكون فستان لطيف وميكنش فيه رسالة، علشان ما يحصلش جدل وكنت متوقعة الناس تتكلم عن لون الشعر الأصفر.
واختتمت: في نجمات كتير بتلبس دريسات أكتر جرأة ومن غير بطانة ومحدش بيتكلم عليهم، ودي حاجة بتاعة ربنا إن الناس تتكلم عني ومتشكرة ليهم وكتر خيرهم.
