بعد فسخ خطوبتهما ثلاث مرات.. مسلم: ممكن نرجع وناس كتير بيحصل معاها كده
كشف مطرب المهرجانات مسلم، أنه من الممكن أن يعود لخطيبته يارا تامر مرة أخرى بعد فسخ خطوبتهما ثلاث مرات، ولكن طليقته ميكا فالأمر أصبح مستحيلًا ولا إمكانية لعودتهما.
مسلم: ممكن نرجع أنا ويارا
وقال مسلم في تصريحات لـ القاهرة 24: ممكن أرجع لخطيبتي يارا إيه المانع؟ وكله على الله وإحنا سايبنها على الله، ووقت ما نرجع هنعلن، وناس كتير بيحصل معاها كده مش إحنا الوحيدين.
مسلم يعلن فسخ خطوبته
كان مسلم أعلن الشهر الماضي انفصاله عن خطيبته يارا تامر للمرة الثالثة وكتب ستوري عبر حسابه الشخصي على انستجرام وكشف السبب، موضحًا أنهما حاولا كثيرًا لاستمرار العلاقة دون جدوى، مضيفًا: أنا خسرت كثير أوي من حياتي ووقتي قصاد التجربة دي وفشلت، والحمد لله بحمد ربنا إنه بين لي كل حاجة تخليني أبقى في حالي، وأبعد وآسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي.
ومن ناحيتها، علقت يارا تامر على فسخ خطوبتها من مغني المهرجانات مسلم وأكدت أن حياتها مع مسلم أصبحت مستحيلة، بسبب التفكير المختلف دائمًا بينهما، وعدم التوفيق رغم محاولات عديدة لكلا منهما، وكتبت عبر حسابها الشخصي بـ موقع انستجرام: إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكنا صعبة وتفكيرنا بعيد عن بعض مهما حاولنا.
