أميرة فتحي عن لايفات التيك توك: أنا مش مذيعة.. ومقدرش ألوم الفنانين المتجهين له
علقت الفنانة أميرة فتحي، على اتجاه بعض الفنانين لـ لايفات التيك توك، وذلك بسبب سوء أحوالهم الاجتماعية والاقتصادية.
وقالت أميرة فتحي خلال تصريحات لـ القاهرة 24: طلعت كام لايف قبل كدة بس مرتحتش لأني مش مذيعة وبطلع أتكلم لو في موضوع تريند بس، ومقدرش ألوم الفنانين اللي واخدين لايفات التيك توك شغلانة، كل واحد وظروفه وربنا يعينا ويعين الناس والظروف صعبة علينا كلنا.
أميرة فتحي تعلق على شائعات اعتزالها
وسبق وعلقت أميرة فتحي، على شائعة اعتزالها التي ترددت بشكل واسع خلال الفترات السابقة، وقالت: شائعة اعتزالي للتمثيل بتطلع عليا بقالها كتير، لأن الدنيا كلها فيها كدب وعندنا في الوسط ناس بتقول كلام من تحت لتحت، ولما بيحصل أي ترشيح لفنان أو فنانة بيطلع حد يوقف الموضوع ويقول دي فلانة مسافرة أو اعتزلت.
وأردفت أميرة فتحي: حصل معايا إن منتج مش مصري حاول يوصلي وقالو له إن أميرة فتحي اعتزلت، فـ أنا بتفاجئ بأخبار اعتزالي ومش هقول على ده غير إنه سخافة، واللي بيطمني إن ربنا إذا أراد حاجة ليا هتحصل.
أعمال أميرة فتحي
ويذكر أن مسلسل السرايا، آخر أعمال أميرة فتحي، والذي عرض في عام 2017، وشارك في بطولته كل من سوسن بدر، مجدي كامل، دنيا عبد العزيز، ميار الغيطي، أمير شاهين، وآخرون، والعمل من إخراج وائل فهمي عبد الحميد.
