خالد الحجر عن حورية فرغلي: لما حد يتعرض لحادثة «مش هنوئده».. ولازم ياخد فرصة تانية
تحدث الفنان خالد الحجر عن الفنانة حورية فرغلي، مشيرا إلى أنها لا تخشى مواجهة الجمهور أو التنمر عليها، بعد إجرائها عدة عمليات تجميل بـ أنفها، بعد تعرضها لحادث أدى لتغيير ملامحها.
وقال خالد الحجر خلال لقائه مع القاهرة 24: أعكف على تحضير فيلم الحب كله، بطولة حورية فرغلي، وهي كانت عايزة ترجع وتشتغل وموضوع العمليات اللي في مناخيرها أخر خطواتها، ووقت ساحرة الجنوب كانت أعلى الممثلات في مصر والأعلى مشاهدة، فـ السينما مش بتستنى حد.
وأردف خالد الحجر: هي رحبت بالشغل مرة تانية معايا، ومناخيرها اتظبطت كتير عن الأول وبدأت تظهر بمناخيرها الجديدة بجرأة، ولو حد اتعرض لـ حادثة مش هنوئده ولازم ياخد فرصة تانية.
أعمال حورية فرغلي
وسبق وقدمت حورية فرغلي مسرحية رابونزل بالمصري للأطفال، على خشبة المسرح، وقالت في لقائها مع القاهرة 24: الجمهور وحشني والنجاح وحشني والشغل وحشني، وهتقول أنا هرجع تاني للناس هتقولي مناخيرك ومشاكلك، وقولت الأطفال هيحبوني حتى لو أنا عاملة إزاي.
أعمال خالد الحجر
وفي سياق آخر، يعد فيلم شيهانة آخر أعمال خالد الحجر، والذي عرض في عام 2019، وشارك في بطولته لينا الشهري، خالد صقر، معتصم الفحماوي، طارق النفيسي، وآخرين، ودارت أحداث العمل حول الطفلة شيهانة التي تعيش في سوريا، ويهاجم أحد التنظيمات البلدة التي تعيش بها.
