يسرا اللوزي: بتأثر نفسيًا بالشخصيات اللي بقدمها.. وخالد الصاوي بيعمل أفلام ترضيه فنيًا
تحدثت الفنانة يسرا اللوزي، عن تأثير الشخصيات التي تقدمها في أعمالها الفنية على نفسيتها، بجانب حديثها عن الفنان خالد الصاوي، الذي يشاركها بطولة أجدد أفلامها البحر الأسود.
وقالت يسرا اللوزي، في لقائها مع القاهرة 24: بتأثر نفسيًا بالشخصيات اللي بقدمها وبيكون فيه بعض التفاصيل الصغيرة للشخصية بتتلاشى تدريجيًا، ولكن مش لدرجة أني أروح لدكتور نفسي علشان أتخلص من شخصية، ولكن في شخصيات بتوحشني، لما بتطول معايا بزعل لما بيخلص تصويرها.
أما عن تعاونها مع الفنان خالد الصاوي، بفيلم البحر الأسود، فعلقت يسرا اللوزي: معنديش مشاهد مع خالد الصاوي في فيلم البحر الأسود، ولكن معروف عنه أنه بيحب السينما المستقلة وبيحب التجارب الشبابية، في كده نوعية ممثلين بيحبوا يعملوا حاجات لنفسهم ترضيهم فنيًا وهو من الناس دي.
يسرا اللوزي تكشف تفاصيل فيلم البحر الأسود
وسبق وأن تحدثت الفنانة يسرا اللوزي، عن أجدد أعمالها السينمائية وهو فيلم البحر الأسود، حيث قالت لـ القاهرة 24: التجربة جت مفاجأة في وقت أنا كنت منشغلة في تصوير مسلسل سراب، اتبعتلي السيناريو وسمعت إنه فيلم مختلف، والسيناريو صعب يتحكي علشان كده صعب أوي أتكلم عنه، هو فيلم تحسي إنك عايزة تشوفيه والمخرج شاطر جدًا هو ده أول عمل ليه ولكنه عايز يعمل حاجة جديدة ومختلفة وبعد ما قابلته أنا اتطمنت.
واستكملت: حبيت أشارك في تجربة فيلم البحر الأسود، هو فيلم فانتازيا ودراما في اللازمان واللامكان، هو مش فيلم تقليدي له بداية ووسط ونهاية.. هو قصة وحبكة ولكن مش سهل تتحكي، أنا مش عارفة أحكيه لجوزي.
