بعد قرار السيسي بإحالة القضية للنيابة العامة.. خال أحمد رفعت: بنشكر الرئيس ونتمنى حق ابننا يرجع| بث مباشر

علق محمد العسكري، خال اللاعب أحمد رفعت، لاعب نادي فيوتشر، على قرار الرئيس السيسي، بإحالة قضية اللاعب أحمد رفعت للنيابة العامة.

وقال خال اللاعب أحمد رفعت: الخبر أسعدنا جميعا، وربنا يبارك لنا في الرئيس، وبنتمنى إن حق أحمد رفعت ميروحش لأنه اتظلم، وإحنا في دولة قانون.

وتابع خال اللاعب أحمد رفعت أنه عندما وقع في الملعب ظنوا أنها إصابة ملاعب عادية، لكن غيبوبته طالبت، مضيفا: شعب مصر كله كان بيدعيله، ومن فضل ربنا إن كل شعب مصر بيدعيله وبيترحم عليه.

وأضاف أن وفاة أحمد رفعت المفاجئة كانت صدمة كبيرة بالنسبة لهم، مضيفا: لما فاق بعد الغيبوبة الأولى يمكن دي كانت حكمة ربنا إنه رجع علشان يقولنا مين ظلمه.. من طبعه إنه بيخبي في نفسه حاجات كتير ومش بيقولها علشان مش بيحب يزعل أمه لأنه بيحبها أوي.. كان شايل كتير وعليه ضغط نفسي وعصبي كبير ومكانش بيفصح لينا عن أي حاجة.

واستكمل خال اللاعب أحمد رفعت بأن والدته فرحت كثيرا عندما علمت بأمر الرئيس السيسي بإحالة قضية أحمد رفعت للنيابة، مضيفا: هي بتتمنى وبتدعي ربنا إن حق ابنها يرجع.