أحمد السقا: قرية كاملة ضربوني وأنا عندي 15 سنة.. ووالدي شكل وجداني وثقافتي
فن
أحمد السقا في ضيافة برنامج بيت السعد
حل الفنان أحمد السقا ضيفا على برنامج بيت السعد، والذي يقدمه الشقيقان أحمد سعد وعمرو سعد عبر شاشة قناة mbc، ونستعرض لكم ملخص تصريحات أحمد السقا في البرنامج.
ملخص تصريحات أحمد السقا في برنامج بيت السعد
- أبويا وأمي لما كانوا يحبوا يتكلموا في موضوع أو يشتموني بيتكلموا فرنساوي، وعمره ما ضربني بالقلم غير مرة واحدة بس لسه فاكرها لحد دلوقتي.
- يا محمد يا سامي لو فيه مقلب أو أي حاجة من الكلام ده، هاخد أحبال أحمد سعد الصوتية، وأنشر عليها الغسيل.
- أبويا شكل وجداني وثقافتي.
- وأنا عندي 15 سنة فيه قرية كلها جريت ورايا وضربتني بالجريد لأني اتغاشمت على العيال اللي في القرية.
- مايفرقش معايا إني ممكن مجيش فرح أو عيد ميلاد وأعتذر، بس لو حد حبيبي في شدة لازم أبقى جنبه.
عمرو سعد يمازح أحمد السقا
وخلال البرنامج، مازح الفنان عمرو سعد، الفنان أحمد السقا، وذلك بسبب كثرة ذهابه للجنازات، إذ قال: أحمد السقا مفيش فيلم له غير لما يكون ناجح ومكسر الدنيا، في السينما ناجح، المسرح ناجح، التلفزيون ناجح، حتى في العزاء ناجح، أنا مدي رقمه لمراتي لأنه ساعات بيروح العزاء قبل الميت ما يموت، ليعلق أحمد سعد قائلا: عندي مشكلة في موضوع الواجب ده، مبعرفش أعمله، مبعرفش أكون في عزاء.
