اتهمت ابنه بالسرقة.. والد حسام حبيب: شيرين عبد الوهاب محتاجة راجل
عقب حسين لبيب والد المطرب حسام حبيب، طليق الفنانة شيرين عبد الوهاب، على تصريحات الأخيرة التي اتهمت فيها النجمة طليقها بالسرقة، وذلك خلال حوارها السابق مع القاهرة 24.
ونشر والد حسام حبيب عبر حسابه الشخصي على موقع الفيس بوك، رسالة غامضة أثارت جدلًا عبر مواقع التواصل الاجتماعي، معربًا عن استيائه الشديد بعد تصدر أزمة نجله وطليقته شيرين عبد الوهاب محركات البحث، حيث كتب: عملت نفسي لها سجادة، شيرين مش محتاجة سجادة، محتاجة راجل وهياخد عشرة مليون عشان يمسك ايدي، بس.
ويعد منشور والد حسام حبيب عبر الفيس بوك، هو أول رد له بعد الأزمة التي تصدرت مشاهد الإعلام والصحافة ومواقع التواصل الاجتماعي، خلال الأيام القليلة الماضية.
شيرين عبد الوهاب تتهم حسام حبيب بالسرقة
وفي وقت سابق، اتهمت الفنانة شيرين عبد الوهاب، طليقها حسام حبيب، بالسرقة، وذلك في تصريحات سابقة لـ القاهرة 24، موضحة: أنا كل شوية بتعاير بالفلوس دي، كلمني وقالي مش عايز الفلوس دي وهرجع الاستوديو، طب خدتها ليه واتعملك شيكات بيها ليه.
وأضافت شيرين عبد الوهاب: عشان أنت بتعاير وبتقول كلام أنا بس اللي أعرفه ولكن الناس مش عرفاه، المحاسب عنده ما يثبت إن له 600 ألف جنيه دولار و3 ملايين جنيه عشان كده اتقال الرقم كله بالمصري، ومعاه شخص نصاب عينه يكون مسؤول عن حاجات كتير، وهو ده اللي سرق العربية والخزنة بتاعتي مش حسام.
وختتمت عبد الوهاب حديثها قائلا: بعت لحسام فويس قولتله أنا غلطانة في موضوع الخزنة لأني أنا اللي أهملت ومش هحاسبك على الخزنة أساسا، لقيته بيكلمني بيقولي هو أنتِ اتسرق منك دهب، قولتله اه، قالي أنتِ عارفه إن الشخص ده اشترى لأمي وباعلها عربية بدون ورق، واداله مليون جنيه بتاعت الحلقة اللي عملها في رمضان فجاي يحاسبه على شغله لقى إن حسام مديون له بـ170 ألف جنيه مصري.
