صانعة محتوى كفيفة ترد على المتنمرين عليها: أول مرة أتوجع كدا.. وقلبي أحسن منكم
نشرت فتاة من ذوي الهمم تدعى داليا، منشورًا لها عبر صفحتها بموقع التواصل الاجتماعي فيسبوك، ترد من خلاله على منتقديها، بعد تعرضها للتنمر خلال الأيام القليلة الماضية.
فتاة كفيفة ترد على المتنمرين
وتعرضت صانعة المحتوى داليا، وهي فتاة مصرية كفيفة مقيمة في إيطاليا، وعرفت بتقديمها لمحتوى تعليمي للغة الإيطالية، للتنمر، بعد ظهورها في مقطع فيديو تيك توك، وهي ترتدي فستان سواريه، تغني مع أنغام أغنية لشرين عبد الوهاب.
وردت صانعة المحتوى داليا، في منشور لها عبر صفحتها بموقع التواصل الاجتماعي فيسبوك، على المنتمرين عليها، قائلة: جماعة ممكن اسألكم سؤال هو أنا مضايقاكم في إيه للدرجة دي؟.. واحدة يوم فرح أخوها كانت لابسة حلو ومتشيكة وحاطة ميكب وقالت تعمل تيك توك بكل تلقائية، إيه الغلط في كدة؟.. أه يا جماعة أنا كفيفة علشان كدة ممكن حركاتي تطلع طبيعية وتلقائية.
وواصلت داليا: ليه كل التنمر ده والتريقة على حركاتي، حسبي الله ونعم الوكيل فيكم بحق ما نمت امبارح معيطة وزعلانة بسبب كلامكم السم، بجد أنا مش لاقية حاجة أقولها بس مش مسامحة أي حد بيشير الفيديو لمجرد إنه يجمع كومنتات تريقة على حسابي، نفسي أعرف إحنا ناقصنا ايه علشان نكون ناس طبيعية ونجرب نعمل زيكم.
وأضافت، طب تعرفوا بقى احنا والله أحسن منكم كفاية قلبنا الأبيض اللي مش بيقول كلمة وحشة ولا بيتنمر على حد، حسبي الله ونعم الوكيل فيكم أنا بجد قلبي مقهور من الكومنتات أول مرة أتوجع كدا.
