أول تعليق من محمود صابر بعد انتهاء مشوار المنتخب الأولمبي في باريس 2024
علق محمود صابر نجم المنتخب الوطني الأولمبي، على مشاركة الفراعنة في دورة الألعاب الأولمبية باريس 2024، واحتلال المركز الرابع بعد الخسارة أمام المغرب في مباراة تحديد البرونزية.
أول تعليق من محمود صابر بعد انتهاء مشوار المنتخب الأولمبي في باريس 2024
وقال محمود صابر عبر حسابه على موقع التواصل الاجتماعي انستجرام: الحمد لله والشكر لله قدر الله وما شاء فعل، حابب أشكر كل الناس اللي كانت موجودة مع هذا الجيل العظيم شكرًا لـ الجهاز الفني والإداري والطبي ومسؤلي المهمات على كل السنين طول الوقت بنحاول نساعد بعض عشان نظهر بأفضل شكل ممكن كان نفسنا نحقق ميدالية.
وأضاف: عشان إحنا نستحق كده بس الحمد لله على كل شيء بشكر كل اللعيبة على أيام جميلة كنا طول الوقت في ضهر بعض بنحاول نطلع كل حاجة عندنا عشان نوصل لحاجة كبيرة دي مش النهاية اللي كلنا نستحقها بس هي دي الكورة مواقف لازم نتعلم منها المواقف دي تخليك قوي وتحط تحدي مع نفسك إنك لازم تعمل أكتر من كدة.
وتابع: وتكون عندك ثقة إنك أفضل من أي حد في الدنيا بس بالشغل والتمرين والتعب شكرا لكل اللعيبة اللي كانت موجودة معانا من أول يوم ومكنش فيه نصیب إنهم يكونو في الأولمبياد هما اللي وصلونا للمكان ده.. وشرف كبير ليا إني مثّلت منتخب بلدي وإن شاء الله القادم أفضل.
