سارة سمير لـ القاهرة 24: أهدي فضية الأولمبياد للرئيس السيسي ولكل المصريين
عبرت البطلة المصرية سارة سمير عن سعادتها بعد تحقيقها الميدالية الفضية في منافسات رفع الأثقال في دورة الألعاب الاولمبية باريس 2024 أولمبياد باريس.
سارة سمير لـ القاهرة 24: المنافسة في الأولمبياد صعبة
وقالت سارة سمير في تصريحات خاصة لـ القاهرة 24: عملت اللي عليا الحمد لله، والمنافسة كانت قوية شوية، وأهدي الميدلية لكل الشعب المصري وللرئيس عبد الفتاح السيسي، وبوعدكم إن شاء الله إن الأولمبياد الجاية هنافس على الميدالية الذهبية.
وواصلت: وزير الرياضة الدكتور اشرف صبحي كان مبسوط بيا، وجالي قبل المنافسة وقال لي ربنا معاكي وكلنا هنشجعك وأعملي اللي عليكي، وكان قاعد بيشجعني، وكنت شايفة تشجيعه، ولما أحرزت الفضية جه وسلم عليا وقال لي إحنا كلنا مبسوطين بإنجازك، وفي نظرنا تعتبر ذهبية ليست فضية.
واستكملت: ديمًا مؤمنة بربنا، وربنا بيديني على قد تعبي، وإن شاء الله الفترة الجاية تبقى أفضل بإذن الله.
واختتمت سارة سمير: المنافسة في الأولمبياد صعبة جدًا، وكنت بدخل كل محاولة وجسمي كلو كان بيترعش مبكنش حاسة بنفسي، بس الحمد لله قدرت أضعط على نفسي وأجيب ميدالية، بس منافسات الأولمبياد صعبة للغاية.
