مستعد للاختبار وهرجع أحارب.. رسالة مؤثرة من كريم فؤاد بعد إصابته بالصليبي
وجه كريم فؤاد لاعب الفريق الأول لكرة القدم بالنادي الأهلي رسالة إلى الجماهير، وذلك بعد تأكد إصابته بقطع في الرباط الصليبي للركبة عقب مباراة سموحة الأخيرة في الدوري الممتاز.
أول تعليق من كريم فؤاد بعد إصابته بالصليبي
وكتب كريم فؤاد عبر حسابه الرسمي على انستجرام: اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايمًا الابتلاء بييجي للشخص في الحاجة اللي هو بيحبها، ونفسه فيها، وطموحه وسعادته فيها.
وأضاف: وده بيكون اختبار ليك هتعمل إيه في الموقف ده، وإن الاختبار والبلاء ده بيكون ليه أجر كبير ورفع درجات في الجنة، وتكفير ذنوب وحاجات كتير عظيمة أوي مقابل إني أصبر على الابتلاء ده..وأنا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الاختبار ده هو إنه أنا في نعمة كبيرة أوي، وإن الحمد لله ربنا رزقني باختبار سهل وهين أوي مقابل ابتلاءات ناس تانية أصعب بكتير، وكمان اختبار مش جديد عليا، بَعيده للمرة التانية في وقت قصير فهعرف اتعامل معاه بشكل كويس ويمكن أحسن.
واختتم كريم فؤاد: علشان كده بحمد ربنا إن الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدني، أنا بحمد ربنا وراضي ومؤمن جدًا إن ربنا بيحبنا نقرب منه بالعبادات اللي منها الصبر والدعاء.. والحمد لله مستعد للاختبار ومتحمس، شوية وقت وهنرجع نحارب من تاني، أشوفكم على خير قريب.
يذكر أن أحمد جاب الله رئيس الجهاز الطبي بالنادي الأهلي أعلن إصابة كريم فؤاد بقطع في الرباط الصليبي الأمامي للركبة، بعد الفحوصات التي خضع لها خلال الساعات الأخيرة.
