مرتضى منصور: أحمد فتوح في شدة ولو محتاج محامي من مكتبي هبعتهوله| بث مباشر

كشف المستشار مرتضى منصور، رئيس نادي الزمالك السابق، عن استعداده لـ الدفاع عن أحمد فتوح، لاعب نادي الزمالك، أمام جهات التحقيق في حادث دهس الساحل الشمالي.

تعليق مرتضى منصور على حادث دهس أحمد فتوح 

وقال المستشار مرتضى منصور في تصريحات لـ القاهرة 24، عن واقعة دهس اللاعب أحمد فتوح شخص وظهور نتيجة التحليل أنها إيجابية: هذا ليس وقت شماتة أو معايرة لأني قولت له قبل كدة، وفتوح زي ولادي بالظبط.

واستكمل: ده وقت أننا نقول الله يرحم الفقيد أمين الشرطة المتوفى في الحادث.. وفتوح لو محتاج محامي من مكتبي هبعتهوله لأن ده وقت شدة بالنسبة له.. والبني آدم وقت الشدة بيبقي محتاج اللي يطبطب عليه وبعد الشدة ما تنتهي يبدأ الحساب، لأنه الآن بيتحاسب قانونيًا خلونا نترك الحساب للرأي العام بعد أن تنتهي هذه الحسبة.

وأضاف مرتضى منصور: الآن ليس وقت لاسترجاع التصريحات وأني كنت بقول كذا، ومش هتلاقوا فتوح لوحده.. وأنا قولت قبل كدة إن فيه سيدة تدعى داليا قالت لي إنها زوجة إمام عاشور وهي الزوجة الثانية أنه يتعاطي مخدرات ومنشطات مع لاعب آخر في النادي الأهلي، فيجب على كل الأندية اللي عندها مديرين كورة بجد أنه من حين لآخر يكون عنده طبيب إصابات وطبيب تحاليل لأن اللاعبية دي لاعيبة موهوبة جدا، والفلوس الكتير أحيانا استخدامها خطأ بيضيع موهبة اللاعبين.