بيبتزوني وطالبين 3 ملايين جنيه.. أحمد عادل لاعب الأهلي السابق يرد على واقعة الساحل الشمالي
![أحمد عادل لاعب الأهلي](/UploadCache/libfiles/138/3/600x338o/843.jpg)
أثارت واقعة اعتداء الكابتن أحمد عادل، لاعب النادي الأهلي السابق، جدلًا واسعًا عبر منصات التواصل الاجتماعي خلال الساعات الماضية، وذلك بعد دخوله في مشادة مع أحد الأشخاص في منطقة الساحل الشمالي.
أحمد عادل لاعب الأهلي السابق يرد على واقعة الساحل الشمالي
وبعد إخلاء سبيل الكابتن أحمد عادل، ظهر في فيديو، ليروي تفاصيل واقعة الساحل الشمالي، التي أثارت جدلًا واسعا على السوشيال ميديا.
وفي الفيديو، قال: كنت قاعد في مارينا 4 بأحد المطاعم، وبعدين لقيت بنتي منهارة من العياط وأولادي، وقالتلي واحد شتمنا وعاكسنا يابابي وقالي كلام خارج، وتحرش لفظي، واللي قومني من مكاني أن كلام خارج اتقال لبنتي.
وواصل: وروحت للشخص اللي شتم بنتي وطلع عنده 40 سنة، واتكلمت معاه على اللي عمله مع بنتي، راح قالي أنا هشتم واللي عندك اعمله، وزقني، وحصل بينا مشادة، وبسبب الزحام، رجل الراجل اتكسرت.
وأكمل: وبنت الراجل قالت إني كان معايا ناس وأنا في المشادة، لكن ده محصلش، وقالت إنه اتقبض عليا، وده محصلش أنا اللي روحت عملت محضر، وده باين في كاميرات المراقبة، وموضحة إني مكسرتش رجله أو حاجة، وبعد كده لما عرفوا أني مشهور ولاعب سابق بالنادي الأهلي، أهله طلبه مني تعويض 3 ملايين جنيه، وعاوزين يبتزوني، وأنا مش هسيب حقي، والقانون هياخد مجراه، وفيه شهود كمان كتير إنه هو اللي اعتدى على بنتي وتحرش بيها، وأنا مش هسكت على التشهير بسمعتي.
إخلاء سبيل أحمد عادل لاعب الأهلي السابق بعد واقعة الساحل الشمالي
وكانت جهات التحقيق، أخلت سبيل أحمد عادل لاعب النادي الأهلي السابق، بعد واقعة الاعتداء على مواطن يدعى مصطفى محمود عبد العليم خلف، في الساحل الشمالي.
وحررت أسرة المجني عليه محضرًا برقم 387 لسنة 2024 جنح مارينا، بعد تعرض مصطفى محمود لاعتداء من قبل أحمد عادل، لاعب النادي الأهلي السابق، حيث تم نقل المجني عليه إلى مستشفى العلمين، وأجرى عملية جراحية على إثر الواقعة.