محليتناش غير الدعاء.. نجوم المهرجانات يدعمون عصام صاصا بعد حكم حبسه 6 أشهر
حرص عدد من مؤديي المهرجانات الشعبية، على دعم زميلهم عصام صاصا، بعد صدور حكم بحبسه 6 أشهر بتهمة تعاطي المخدرات.
دعم نجوم المهرجانات الشعبية لـ عصام صاصا
وحرص مطرب المهرجانات عنبة على دعم عصام صاصا، حيث كتب عبر ستوري حسابه بموقع إنستجرام: حزين حزن الدنيا عليك يا أخويا ربنا يهونها عليك.. ياه على الدنيا، الناس نسيت أن عصام صاصا فرحهم كتير مع أول غلطة وغصب عنه باعوه، محلتيش غير الدعاء ليك يا أخويا وفي ضهرك على طول.
بينما كتب حمو بيكا عبر حسابه بموقع إنستجرام: ربنا يفكها عليك يا رب أجدع خلق الله، ربنا يهونها عليك يا أبو رحيم.
ودعم حسن شاكوش، عصام صاصا، وكتب عبر حسابه بموقع إنستجرام: ربنا يهونها عليك يا حبيبي، اللي بيحبه يدعي له هو طيب وابن حلال، ربنا يرجعه لأهله وابنه بالسلامة يا رب.
كما كتب مطرب المهرجانات مسلم، عبر ستوري حسابه بموقع إنستجرام: مشفتكش غير مرة واحدة ومكنتش أعرف حب الناس ده كله ليك، وأكيد اللي ربنا يوقف ليه الناس دي كلها أكيد ربنا بيحبه، ربنا يرجعك لبيتك وأهلك سالم يا حبيبي وربنا يصبر أهل المتوفي.
الحكم على عصام صاصا
وقضت محكمة جنايات الجيزة المنعقدة بمجمع محاكم زينهم، أمس الأحد، بـ حبس مطرب المهرجانات عصام صاصا 6 أشهر في تهمة تعاطي المخدرات، وانقضاء الدعوى المدنية في قضية الدهس بالتصالح.
