رجل الأعمال زوج بلوجر شهيرة متهمة بالزنا: أمن الكومبوند اكتشف خيانتها
كشفت التحقيقات في واقعة اتهام رجل أعمال لـ زوجته، بلوجر الشهيرة بالزنا، ذلك بعد حكم حبسها عاما، مفاجآت مثيرة في الواقعة.
اتهام رجل أعمال لزوجته بالزنا
وقال الزوج أمام جهات التحقيق في بلاغه المقدم ضد زوجته البلوجر الشهيرة: اللي حصل إني أنا متجوز من البلوجر منذ عام 2016 وأنجبت منها ولد وبنت، وفي سنة 2021 اتحكم عليا بالسجن 5 سنوات في قضية سلاح، ونفذت وخرجت في شهر نوفمبر 2023، وأنا في السجن أمن الكمبوند بلغ والدي إن زوجتي بتخرج وترجع الفجر يوميا، والأمن لاحظ إن فيه حد بيبقي نايم على كنبة عربية زوجتي من ورا ووالدي لما عرف راجع الكاميرات اللي متركبة برا على سور الفيلا ومتركبة علي مدخل الباب، والكاميرات دي كانت بتجيب شخص معاها كل يوم بيدخل الفيلا معاها، بالليل وبيخرج الصبح.
وأكمل الزوج أقواله أمام جهات التحقيق: الأمن شاف الراجل الي بيدخل مع زوجتي اكثر من مرة وانا لما خرجت من السجن شوفت الفيديوهات دي وشفت الشخص دا بيدخل وبيخرج من الفيلا كل يوم وبيبات فيها، وبعد كده أنا شوفت سجل المكالمات بتاع زوجتي اللي بيظهر في الفاتورة عشان الخط اللي زوجتي شيلاه هو خط فاتورة وباسم الشركة بتاعتنا لاقيت إن زوجتي بتكلم الشخص دا كل يوم واقل مكالمة ساعتين ثلاثة، وسألت على الرقم اللي بتكلمه دا، وعن الشخص اللي بتكلمه دا عرفت اسمه، وأنا بتهم مراتي وشريكها بالزنا.
وواصل الزوج: الكلام دا كان بيحصل من رمضان 2023، واتأكدت من الموضوع دا وعرفت إن فيه علاقة غير شرعية بينهم في 2023/11/29 لما خرجت من السجن دا بيحصل في أحد الكومبوندات التابعة، لقسم أول أكتوبر الجيزة.
