أحمد السبكي عن تأجيل عرض الملحد: الفيلم مش ضد الدين.. ولو اتعرض على الأزهر مش هيرفضه
رد المنتج أحمد السبكي، على التصريحات المنتشرة بكثرة وحالة الجدل الكبيرة الذي أحدثها فيلم الملحد مع اقتراب عرضه بالسينمات، ونفى تماما تأجيل العمل بسبب رفض الأزهر والمشايخ.
وقال أحمد السبكي في تصريحات خاصة لـ القاهرة 24: الفيلم هيتمنع إزاي ومين اللي هيعوضني؟، وإيه اللي دخل الدين في الموضوع، إحنا ناس مسلمين وأكيد مش بنهاجم الدين في الفيلم.
وأضاف السبكي: وأنا مليش علاقة بالمشايخ والأزهر والرقابة بتاعتي هي المصنفات الفنية وهي مرجعي، والفيلم حتى لو اتعرض على الأزهر مش هيترفض عشان الفيلم مش ضد الدين.
تأجيل فيلم الملحد
وسبق وأكد المنتج أحمد السبكي تأجيل طرح فيلم الملحد، الذي كان من المقرر عرضه بشهر أغسطس الجاري، وقال في تصريح سابق لـ القاهرة 24: سيتم تأجيل عرض فيلم الملحد حتى تنتهي أعمال المونتاج والمكساج للفيلم، وليس بسبب حملات المقاطعة أو ما شابه.
أبطال فيلم الملحد
كما يشارك في بطولة فيلم الملحد كل من الفنان أحمد حاتم، محمود حميدة، صابرين، شيرين رضا، تارا عماد، نجلاء بدر، هشام عاشور، أحمد السلكاوي، الراحل مصطفى درويش، وآخرون، والعمل من إخراج ماندو العدل.
