حودة بندق: مكنتش متوقع نجاح أغنية روقان بالشكل ده.. وحريص على غناء تترات مسلسلات رمضان
كشف المطرب حودة بندق، كواليس أغنيته روقان، التي قدمها خلال أحداث مسلسل رحيل، بطولة الفنانة ياسمين صبري، والذي عرض في السباق الرمضاني 2024، مؤكدًا حرصه على غناء تترات المسلسلات في السباق الرمضاني.
الأغنية بقلها 4 شهور Tob 1.. وبتزيد في اليوم 500 ألف مشاهدة
واحتفل بندق أمس، بنجاح أغنية روقان التي حققت نحو 40 مليون مشاهدة منذ طرحها، كما كشف كواليسها خلال لقائه مع القاهرة 24، قائلًا: أغنية روقان في الأول مكناش عاملين حسابها وجت بالصدفة في مسلسل رحيل للنجمة ياسمين صبري وأحمد صلاح حسني، وربنا كرمنا فيها، وبقالها 4 شهور Tob 1 على يوتيوب وبتزيد في اليوم بالـ 500 ألف مشاهدة.
وعن ترشيحه لغناء الأغنية قال: اللي رشحني للغناء في مسلسل رحيل هو المنتج المنفذ مصطفى الغزولي، وهو صديقي ودايمًا بنتقابل وقالي في غنوة في مسلسل، وبعتله أغنية تانية قالي حلوة، بس مش دي السرعة اللي المخرج عايزها، وبعدين بعتله أغنية روقان قالي هي دي، والمخرج كلمني وصورنا في رمضان.
حودة بندق: مكنتش متوقع انتشار أغنية روقان بالشكل ده
وأضاف حودة بندق: مكنتش متوقع انتشار أغنية روقان بالشكل ده، بس كنت عايز أني أكون موجود في رمضان 2024؛ لأني كنت موجود في رمضان اللي قبله 2023، وعامل بابا المجال مع النجم الكبير مصطفى شعبان، وكنت عامل التتر وكل أغاني المسلسل.
واستكمل بندق: كنت المفروض أعمل تتر مسلسل في رمضان 2024 ولكن ربنا موفقنيش فيه وحد تاني عمله، وربنا وفقني أغنية روقان، لأني كنت مهتم أشارك في تترات المسلسلات لأنه بيخليني موجود وسط النجوم الكبيرة.
