عم المجني عليه بجريمة البراجيل: لقيته جثة في الزراعات وعلى صدره حجر
حصل القاهرة 24 على قائمة بأقوال الشهود وأدلة الإثبات في القضية رقم 8584 لسنة 2024 جنايات أوسيم المقيدة برقم 2432 لسنة 2024 كلي شمال الجيزة، والمتهم فيها حسام. ص. خ، بقتل صديقه داخل أرض زراعية، بسبب خلافات بينهما عندما ارتبط المجني عليه بخطيبة المتهم السابقة.
تحقيقات جريمة البراجيل
وجاء في نص التحقيقات أنه بمثول المدعو حمدي. ح 60 سنة مقيم بالبراجيل أوسيم التابعة لمحافظة الجيزة، وهو عم المجني عليه سيد بريك أمام جهات التحقيقات وبسؤاله حول ما هي صلته بالمجني عليه؟
أجاب: أنا عمه أخو والده.
س: وكم يبلغ من العمر سالف الذكر تحديدًا؟
ج: عنده 21 سنة
س ما صلتك بالواقعة محل التحقيقات؟
ج كنت مع الأهالي لما لقوا جثمان سيد على الأرض على طريق الضبعة جنب الزراعات.
س ما تفصيلات حدوث الواقعة ومعلوماتك عنها تحديدا؟
ج: اللى حصل إني امبارح بالليل وأنا مروح لقيت الناس في الشارع، بيسألوني عن سيد الله يرحمه فقولتلهم هكلمه وقعدت أكلمه لقيت تليفونه مقفول، وبعدين قعدنا ندور عليه لغاية النهاردة الصبح، وبعد كده روحنا نقطه شرطة البراجيل، وبلغنا باللي حصل ونزلنا ندور عليه تاني ومشينا في طريق الزراعات والأهالي قسمت نفسها على طريق محور الضبعة وقريه البراجيل بندور على سيد، وأنا ماشي على الطريق جنب الزراعات ما بين الشجر لقيت محمد أشرف والأهالي بيقولوا إنهم لقوا سيد ميت ومرمي على طريق الزراعات محور الضبعة، واشرطة جات على طول على المكان، وهو دا اللي حصل من امبارح بالليل لغاية النهاردة.
س: وما هي كيفية وضعيته بتلك الحالة التي شهدت بها الآن بالتحقيقات تحديدا؟
ج: نايم على ظهره وفيه حجر كبير فوق صدره، ووشه كله عرقان دم، وتقريبا سنانه كان فيها كسر، ووشه كان
مزرق
س: وما التصرف الذي بدر منك حيال ذلك تحديدا؟
ج شلت الحجر والناس اللي معايا زحزحوه من فوقه، لأنه حجر كبير فوق صدره ولقينا على الحجر دم، وجريت بلغت أهلي.
س: وما التصرف الذي بدر من أهليتك خيال إبلاغك لهم بما رأيته تحديدا أنذاك؟
ج جريوا ولقيوه بالحالة دي، وبلغنا الشرطة إننا لقينا جثة سيد ميت، وده كل اللي حصل.
س: وما طبيعة الملابس التي كان يرتديها المجني عليه؟
ج: كان لابس تيشرت أصفر بكم فيه جيوب وبنطلون أسود، وكان حافي القدمين ووشه كله مزرق ومليان دمه.
س: وما طبيعة الأداة التي عثرت عليها فوق الجثمان تحديدًا؟
ج: لقيت حجر كبير لونه أبيض وعليه دم.
س: وأين تحديدًا عثرت عليه؟
ج: كان فوق صدر سید الله يرحمه.
س: وما التصرف الذي بدر منك حيال ذلك؟
ج: الأهالي لما لقوه كده قعدوا يزقوا فيه لأنه كان تقيل وكان عليه دم
س: وما تعليلك بالعثور على تلك الحجارة الآثار تلوثات دموية تحديد؟
ج: دم سید الله يرحمه
س: وكيف وقفت على ذلك؟
ج: لأن وشه كله كان مليان دم، ومتبهدل ومزرق والحجر فوق صدره فأكيد الدم اللي من الوش أو الله أعلم انضرب
بيه إزاي وعليه دمه.
س: وما طبيعة محل عثورك على الجثمان تحديد؟
ج: كان مرمي جنب الزراعات على طول في أراضي زراعية بعزبة محيسن على طريق محور الزيمية طريق الضبعة أوسيم الجيزة، والطريق اللي كنا واقفين عليه اللي بين الطريق الرئيسي والزراعات، فيه طريق ترابي بيفصل بينهم.
س: وهل تقف على بيانات العاملين بمحل عمل المجني عليه؟
ج: أيوة
س: وما بياناتهم وعددهم تحديدا؟
ج: واحد اسمه زناتي. ص وشهرته حسام
س: وما طبيعة عمل سالف الذكر تحديدا؟
ج: ده شغال مع سيد الله يرحمه وعرفت امبارح إنه كان آخر واحد معاه بالليل.
س: وهل تقابلت مع سالف الذكر حال البحث عن المجني عليه؟
ج: أبوة كان معانا والأهالي وإحنا كنا بندور عليه إمبارح.
س: وهل قمت بسؤاله عن محل تقابله مع االمجني عليه ومحل تركه تحديدا؟
ج كل اللي عرفته امبارح بالليل منه لما قابلته إنه كان مع سيد الله يرحمه، وبيقول إن سيد إداله حسابه اليومي
وسابه ومشي على طول.
س: وهل تشتبه جنائيا في وفاة ابن شقيقك؟
ج: أيوة
س: وكيف وقفت على ذلك؟
ج: لأن منظر جسم سید الله يرحمه مش طبيعي.. ووشه كله دم ومزرق وفيه حجر محطوط فوق صدره فأكيد فيه حد
عمل فيه كده وهو اللي موته.
س: وهل تقف عما إذا كان هناك ثمة خلافات فيما بين المتوفى وبين ثمة معين تحديدا؟
ج: علاقته بينه وبين الناس كانت كويسة.. وكله زعلان عليه ومفيش حاجه بينه وبين حد.
