القاهرة 24 ينفرد بنشر أغنية بتمنى أنساك لـ شيرين عبد الوهاب: ييجي النوم أو الموت
ينفرد القاهرة 24 بنشر أغنية الفنانة شيرين عبد الوهاب الجديدة، والتي تستعد لطرحها خلال الساعات القليلة المقبلة. وجاءت كلمات أغنية شيرين عبد الوهاب الجديدة والتي تحمل اسم بتمنى أنساك كالتالي:
كلمات أغنية بتمنى أنساك لـ شيرين عبد الوهاب
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم..
وييجي النوم أو ييجي الموت.. بس يسكت صوت
الآها والعتاب واللوم اللوم.. بتمني أنساك.. أنا بتمنى أنساك
هو أنا حبيتك ليه؟ صدقت كلام أوهام.. وصحيت على نار وآلام
كان قلبي وحيد مرتاح وأنت اللي مليته جراح
خليتني أحبك ليه.. لما أنت محبتنيش؟
وازاي أنا بموت وتعيش وعينك بتنام؟
بتمنى تزول ملامحك من بالي تزول
ولو حتى تروح بطلوع الروح مقبول
بس مش معقول أتعذب على طول
كل يوم بعينيك مشغول كل يوم بإيديك مقتول
هو أنا حبيتك ليه؟ صدقت كلام أوهام.. وصحيت على نار وألام
كان قلبي وحيد مرتاح وأنت اللي مليته جراح
خلتني أحبك ليه.. لما أنت محبتنيش
وازاي أنا بموت وتعيش وعينك بتنام؟ بتنااااام
سبق وقالت الفنانة شيرين عبد الوهاب في تصريحات لـ القاهرة 24، إن شركة روتانا تزعم أنها لم تتسلم مني الأغاني المتفق عليها، فكيف لم تتسلمها وهي طرحت بالفعل 4 أغان من قبل؟ ولكن في حقيقة الأمر شركة روتانا تحارب شيرين عبد الوهاب من أجل امتلاكها في الحفلات واللايف، وليس فقط في الأغاني، موضحة: روتانا واخدة أوردر أنها تقعدني في البيت، روتانا بتحارب شيرين عبد الوهاب، كل شوية يقولوا هنعملك حفلات ودا مش اللي إحنا اتفقنا عليه.
