العربية اللي ورايا خبطتهم.. شاهد على حادث اللاعبة شهد مصطفى يفجر مفاجأة
سادت حالة من الحزن على مواقع التواصل الاجتماعي ومحافظة السويس، بعد وفاة اللاعبة شهد مصطفى إثر حادث سير على طريق السويس.
شاهد على حادث اللاعبة شهد مصطفى يفجر مفاجأة
نشر شاب يدعى توفيق وهو أحد الشهود الذين كانوا بالقرب من حادث اللاعبة شهد وصديقتها بسملة، فيديو على تطبيق تيك توك، يروي فيه تفاصيل الحادث وقال: اللي حصل أنا كنت ماشي في الطريق وجيه ناحية اليمين بنتين بيعدوا الطريق اللي سرعته 100 كيلو، أنا يدوب عديتهم اللي ورايا خبطهم، بسبب عدم مسؤولية البنتين، الراجل اللي ورايا هيتسببله مشاكل كثيرة، وهيدخل في مشكلات كتير وده كله بسبب عدم مسؤوليتهم في الأول والآخر هما غلطانين لازم يكون في وعي كافي وانا بعدي الطريق أنه لو خطر عليا معنديش.
وتواصل القاهرة 24 مع توفيق وأوضح: أنا كان ممكن أكون مكان اللي خبط البنتين، هما كانوا واقفين في نص الطريق السويس كأنك كده رايحة على مول سيتي سنتر ألماظة بس قبله بشوية، وكانوا بيحاولوا يعدو فأنا يا دوب عديت منهم وجيت أبص في المراية بتاعت عربيتي لقيت العربية اللي ورايا خبطتهم
وأردف: المشهد اللي أنا شفتوا ده صعب جدًا جدًا على أي حد، وأنا لغاية دلوقتي مش قادر أشيله من دماغي.
وأضاف: الإسعاف والشرطة جم ولقيت اللي خبطهم واقف، العربية اللي خبطتهم، فيات تيبو 2022 لون زيتي غامق.
وأشار توفيق: فيه كذا واحد بيقولي في الكومنت بتاعت الفيديو، أنت ليه ما رحتش تشهد في القضية والإجابة هي إن طول ما الجاني وقف والشرطة اخدتوا فانا شهادتي مش هتبقى بفايده.
