شيرين عبد الوهاب ترد على روتانا: إزاي نجمة في مكانتي الدولية مينزلهاش ألبوم من 5 سنين؟
أعربت الفنانة شيرين عبد الوهاب عن استيائها الشديد من تصريحات المستشار القانوني لـ شركة روتانا، رضا صقر مع لايف القاهرة 24، وتكشف تفاصيل جديدة حول أزمتها مع الشركة، وذلك بعد حذف أغانيها التي طرحتها أمس على قناتها الجديدة على يوتيوب.
وقالت شيرين عبد الوهاب في تصريحات خاصة لـ القاهرة 24: هل هو مش حرام أني أسلم الأغاني من 4 سنين ومتنزلش، هتقولي سلمتيهم إزاي، أقولهم بدليل أن في 3 أغاني نزلوا، وهما “كلها غيرانة، ومش قد الهوا وخصمت النوم” جابوهم منين، ثم إحنا متفقين أن الأغاني كلها تنزل ألبوم، وفجأة الألبوم نزل سينجل، كل أغنية لوحدها، ولما كلمت ممثل الشركة أقوله ليه الأغاني منزلتش يا فندم، يقولي إحنا عايزين حصري حفلات، وأنا مينفعش في مكانتي دي أكون حصري لحد، أنا بتاعت الناس كلها.
وأضافت شيرين عبد الوهاب: إزاي فنانة ونجمة في حجمي الفني ومكانتي الدولية، تقعد 5 أو 6 سنين مينزلهاش ألبوم، حضرتك مسألتش نفسك ليه؟ ليه مسألتش الشركة هي شيرين غلطت في أيه؟ دا لما فيه واحد عندي غلط وبعت الأغاني لـ منصة موسيقية أنا طردته وطلبت من روتانا أنهم يخاطبوا الشركة دي عشان يسحبوا الأغنية ويبعتلهم إنذار، واللي حصل أنهم بعتولي أنا الإنظار مع إن مفيش ورقة تقول أني موافقة على كده.
يوتيوب يحذف أغاني شيرين عبد الوهاب
وطرحت الفنانة شيرين عبد الوهاب أمس، أغنيتي بتمنى أنساك - واللي يقابل حبيبي، واللتان حققتا تفاعلا كبيرا، وشهدت الساعات الماضية، تصاعد حدة الخلاف بين الفنانة شيرين عبد الوهاب وشركة روتانا بشأن التعاقد بين الطرفين.
وأعربت شيرين عبد الوهاب عن استيائها الشديد بعد بيان شركة روتانا، والتي قالت فيه إن الشركة من حقها استغلال صوت شيرين عبد الوهاب حصري لها، حسب العقد المبرم بينهما.
