محامي شيرين عبد الوهاب: الفنانة تعرضت لما لا يتحمله بشر.. وهنطالب بتعويض من روتانا
كشف ياسر قنطوش محامي الفنانة شيرين عبد الوهاب، خلال لقائه مع القاهرة 24، العديد من المفاجآت في أزمة الفنانة مع شركة روتانا، بعد حذفها أغنيتيها المطروحتين أول أمس، عبر قناتها الجديدة بموقع يوتيوب، وتفاصيل انتهاء عقد الفنانة مع الشركة.
أبرز تصريحات محامي شيرين عبد الوهاب مع القاهرة 24
- الفيصل بيني وبين أي حد بيتكلم أحكام القضاء، وهي مش مباراة في البلاغة، ولكن العبرة بالأحكام القضائية النهائية المختومة بختم النسر.
- الأحكام دي بتقول إن العقد اللي بين الفنانة شيرين عبد الوهاب وشركة روتانا اللي ليهم مننا كل التقدير والاحترام، ولكن العقد انتهى.
- الفنانة شيرين عبد الوهاب تعرضت من شركة روتانا لحاجات مفيش بشر يستحملها.
- روتانا بتقول إن العقد منتهاش، طيب القضية اللي رفعوها على شيرين بالشرط الجزائي معناه إيه؟.
- العقد بتاع شيرين مضته في يوم 6 يناير سنة 2019، البند التاسع فيه بيقول في حالة إخلال أي من الطريف بأي من التزاماته التعاقدية يسدد الطرف الأول المُخل للطرف الثاني مبلغ وقدره 5 ملايين جنيه مصري لا غير، كالتزام بدلي.
- المحكمة قدرت أن شركة روتانا استفادت من الأغاني اللي شيرين عبد الوهاب سلمتها ونزلت على اليوتيوب، واستافدت بأرقام كبيرة.
- شيرين اللي كان له عندها حق بياخده، والزميل اللي كان ماسك القضية قبلي قالها يا فنانة الشركة عايزة تفض الاشتباك وتدفعي الشرط الجزائي طواعية وشيرين طلعت شيك من حساب البنك الأهلي بـ 8 ملايين جنيه، شيك مقبول الدفع لحساب شركة روتانا وتم استلامه.
- للعلم كان موجود في صيغة التصالح واستلام الصيغة التنفيذية بند بيقول إن فسخ العقد، ولكن تم حذفه في آخر لحظة، ويُسأل عنها من قاموا بهذا الاتفاق في الوقت ده.
- شيرين بتدي للناس حقوقها ومن باب أولى تاخد حقوقها من الناس، ولما المحكمة الاقتصادية طلعت عليها مطالبة بـ 750 ألف جنيه قالت هدفعهم ده حق الدولة.
- في بيان صدر من شركة روتانا بيقول إن العقد منتهاش، ولكن لأ العقد انتهى، وده مش كلامي ده أنا قولت الكلام ده بنصوص مواد وأسباب حكم مذكورة، واستلام صيغة تنفيذية بعد دفع المبلغ.
- أنا بتحفظ على تصريح روتانا أنه ذاع صيت شيرين لما اشتغلت معاهم، شيرين اسم كبير من 2003 وهي بتغني، ولما يتحط اسم أي شركة جنب شيرين الشركة هي اللي بتنور بوجود شيرين.
- اللي بيحصل من روتانا تجاه شيرين غير قانوني.
- في قضية هتترفع على روتانا تعويضًا عن الأضرار المادية والأدبية للفنانة، الست مش طالبة حاجة غير إنها تغني وبالقانون والقضاء نصفها، يبقى روتانا تحذف أغانيها بأمارة إيه؟.
- أنا بأكد أن شيرين عبد الوهاب تعرضت لحروب من لأقرب الناس ليها من كل النواحي، ومع ذلك هي لغاية النهاردة بتنزل أغاني وعايزة تسعد الناس.
- هنرفع دعوى بالتعويض على روتانا بعد مخاطبتها للشركات اللي بتتعاقد معاها شيرين دون وجه حق.
