فرد الأمن الشاهد بقضية خيانة بلوجر لزوجها رجل الأعمال: المتهمة قالت لي اللي يجيلي ملكش دعوة بيه
كشفت التحقيقات في واقعة اتهام رجل أعمال لـ زوجته البلوجر الشهيرة بالزنا، بعد حكم حبسها عاما، مفاجآت في الواقعة.
وقال فرد الأمن الشاهد على واقعة اتهام رجل أعمال لزوجته البلوجر الشهيرة، إن الزوجة كانت تخرج بعد صلاة العشاء من المنزل وتعود له فجرا، معلقا: اللي كان بييجي معاها كان بيدخل معاها وهي راجعة بالليل وكان بيخرج الصبح ومرة خرج فيها على رجله ودي المرة اللي أنا وقفته فيها وباقي المرات كان بيخرج في عربيتها على الكنبة الخلفية، وفي مرة لقيت عربية غريبة دخلت وهو خرج فيها ومش عارف دي أوبر ولا أيه.
وأضاف فرد الأمن: أنا لقيت في يوم شخص غريب طالع الساعة ٥:٣٠ الفجر على البوابة ووقفته قلت له أنت جاي منين ودخلت أمتي؟ قالي أنا داخل بالليل ومبيت في القرية قلت له عند مين مردش عليا وطلع تليفونه ورن على البلوجر ومدام عبير قالت لي خلي اللي عندك دا يخرج وسبته، وتاني يوم مدام عبير قالتلي مالكوش دعوة باللي بيخش وبيخرج عندي أنا أعرفه.
وأكمل الشاهد: الزوجة المتهمة قالت لي الناس اللي بتجيلي ملكش دعوة بيها وقلت لها أنا معرفش هو دخل أمتي ولازم أوقفه وساعتها سابتني ومشيت.
