بكاء ابنة صلاح عبد الله بعد نعتها بـ أبناء العاملين: بدق البيبان من تانية جامعة
دخلت الإعلامية دنيا صلاح، ابنة الفنان صلاح عبد الله، في حالة من البكاء بسبب تعليق من أحد متابعيها وصفها خلاله بـ أبناء العاملين، في إشارة منه إلى أنها تعمل في الوسط الإعلامي نظرًا لمكانة والدها الفنية.
وظهرت دنيا صلاح عبد الله، تبكي في مقطع فيديو عبر حسابها الشخصي بموقع تبادل الصور والفيديوهات إنستجرام، وقالت: الأخ اللطيف اللي كتبلي تعليق أبناء عاملين، أنا كده كده من كذا سنة تصالحت مع النوعية دي من التعليقات وبقيت بكبر دماغي كأني مشفتهاش، ولكن أنت جايلي في وقت أنا بالفعل كأبناء عاملين مضغوطة أوي فاتضايقت.
وأضافت ابنة صلاح عبد الله: اللي أقولهولك يا رب تبقى في مكاني، وتمر بكل الحاجات اللي أنا مريت بيها وتعيش كل الحاجات اللي أنا عيشتها وتقابل كل المواقف الصعبة اللي أنا عديت بيها، ومش هكمل كلامي أنا أصلًا غلطانة أني رديت، مفيش حد في الدنيا يستاهل أني أبرر له أي حاجة، أنا بشتغل من تانية جامعة، وبسعى وبجتهد وبذاكر وبدق البيبان وبعمل كل حاجة علشان أبقى راضية عن نفسي.
ابنة صلاح عبد الله
وسبق وأن كشفت ابنة صلاح عبد الله، تفاصيل تعرضها لمرض نادر وهو الفيبروميالجيا “الألم العضلي الليفي”، إذ قالت في تصريحاتها لـ القاهرة 24، إنها اكتشفت مرضها منذ عامين وهو مرض نادر يسمى الفيبروميالجيا، يأتي مع تغير الفصول والإرهاق الشديد والضغط النفسي، وتابعت: أنا شخصية راضية جدًا ألف حمد وشكر على كل شيء ومتعايشة معاه وكله بيعدي بفضل ربنا ورحمته الحمد لله.
