مش بيفوت ماتش.. أميرة تقيم دعوى طلاق ضد زوجها بسوهاج: بيحب الكورة أكتر مني
أقامت ربة منزل تُدعى أميرة. م، 34 عامًا، دعوى طلاق ضد زوجها بمحافظة سوهاج، بعد خلافات أسرية متكررة فيما بينهما، ورفض الزوج تطليقها، ما دفعها إلى اللجوء إلى محكمة الأسرة.
ربة منزل تقيم دعوى طلاق ضد زوجها بسوهاج
وقالت الزوجة في دعواها، إنها متزوجة من ابن عمتها منذ 6 أعوام، مشيرةً إلى أن زوجها حريص على متابعة ومشاهدة مباريات كرة القدم أكثر من اهتمامه بها وبمشاكلها.
وفي تصريحات لـ القاهرة24، أوضحت الزوجة: جوزي أهلاوي متعصب، وبيحب الكورة ومهتم بيها أكتر مني ومن أي حاجة تانية، ومش بيفوت مباراة غير لما يتابعها، وعند مشاكلي مهملها ومهملني، وأنا مش في حسبانه نهائي، ولو البيت كان محتاج حاجه وفي مبارة شغاله استحالة ينزل يشتريها غير لما الماتش يخلص وكمان الاستوديو التحليلي بتاع المباراة.
الزوجة: بيحب الكورة ومهتم بيها أكتر مني
وأضافت: آخر مرة كانت في مباراه للأهلي، وأنا كنت تعبانه ومحتاجه دوا من الصيدلية، ولما قولتله انزل اشتريه شخط فيا وقالي لما الماتش يخلص، وما اهتمش إني تعبانه وبتوجع، لحد ما زهقت وحسيت إني مش في حسبانه وإن الكورة أهم مني، وكتير كانت بتحصل خناقات بينا عشان نفس السبب، لحد ما زهقت وبقيت مش قادرة أتحمل العيشه معاه، ولما طلبت منه الطلاق رفض.
وأمام تصرفات الزوج، وتعنته مع زوجته، لم تجد أمامها سوى ترك منزل الزوجية والإقامة في منزل أسرتها، ورفع دعوى طلاق للضرر الواقع عليها منه.
