الخطيب يجتمع مع خالد بيبو في مقر النادي بالجزيرة
علم القاهرة 24 من مصادره، أن الكابتن محمود الخطيب رئيس النادي الأهلي والمشرف على الكرة؛ في اجتماع مغلق حاليا مع خالد بيبو مدير الكرة بالنادي.
وكانت هناك مؤشرات بعزم رئيس النادي في الاستجابة لمطلب كولر، بالاستغناء عن بيبو وتعيين مدير كره جديد، مع تولي بيبو منصبا آخر في قطاع الكرة بالنادي.
تصريحات خالد بيبو
وفي السياق ذاته، قال خالد بيبو في تصريحات لـ الصحفيين عقب نهاية مباراة مودرن سبورت أمس: ختمنا الموسم بشكل كويس الحمد لله وتوجنا بالبطولات، إنجازات كويسة جدا بالنسبة لنا.
وأضاف: أنا بقول لـ جمهور الأهلي حافظوا على اللاعيبة، وجمهور الأهلي هو رقم واحد وخط الدفاع الأول، والإدارة بتعمل مجهود كبير، وعلى طول هدفهم إسعاد جماهير الأهلي، ولازم نبقى مع بعض إيد واحدة وعندنا تحديات كبيرة الفترة المقبلة، وإن شاء الله ربنا يكرم الموسم المقبل.
وأكمل: النادي الأهلي بيتنا وأي مكان الواحد موجود فيه هيؤدي عمله بشكل كويس، والنادي الأهلي هيحتاجني في أي مكان هاكون موجود، ولو مليش نصيب أكون موجود الفترة الجاية هساعد اللي جاي وهكون موجود في ضهره.
وأتم خالد بيبو تصريحاته قائلًا: إن شاء الله في جلسة بيني وبين الكابتن محمود الخطيب الفترة الجاية، والنادي الأهلي مؤسسة كبيرة وبتمشي بنظام، وزي ما قولت النادي الأهلي ده فضله عليا وهيفضل طول عمره فضله عليا، وآخر رسالة عايز أقولها، بشكر جمهور الأهلي على استقباله النهاردة، وجمهور الأهلي دايما سند للاعبين.
