أحمد ياسر المحمدي في تحقيقات واقعة اغتصاب فتاة إنجليزية بقطر: كان برضاها والموضوع جه كده| انفراد

يواصل القاهرة 24 نشر الجزء الثاني من الانفراد بالتحقيقات الكاملة في القضية التي حملت رقم 3416 لسنة 2024، والمتهم فيها اللاعب أحمد ياسر المحمدي بمواقعة فتاة دون رضاها، قبل أن يعود إلى مصر، لتقرر الجهات القضائية في قطر مخاطبة الإنتربول لإبلاغ الجهات الأمنية المصرية لإلقاء القبض عليه، لاستكمال التحقيقات، وبالفعل هذا ما حدث.

وواجهت جهات التحقيق اللاعب أحمد ياسر المحمدي، باتهامه بمواقعه المجني عليها إليانور هارتي، إنجليزية الجنسية، بغير رضاها، وذلك داخل منزله بمدينة خليفة بعاصمة دولة قطر، بأن تحايل عليها واستدرجها إلى غرفة نومه ودفعها نحو فراشه وخلع ملابسها واعتدى عليها بالضرب خلال مقاومتها له وأحدث بها إصابات، وردت في تقرير الطب الشرعي المحرر بمعرفة السلطات القطرية.

أحمد ياسر المحمدي في التحقيقات

وإلى الجزء الثاني من نص التحقيقات بمواقعة فتاة إنجليزية دون رضاها، والمتهم فيها اللاعب أحمد ياسر المحمدي….

أحمد ياسر المحمدي

أكمل اللاعب أحمد ياسر المحمدي في اتهامه باغتصاب الفتاة الإنجليزية: بعدها أحمد. أ صديقي من ضمن المعزومين وصل البيت وده صديقي مصري الجنسية مقيم في قطر، وقعد معانا بالصالة وعرفتهم على بعض، بعدها اداني دواء كان مكتوب ليا عشان كنت مصاب قبل الحفلة دي بفترة إصابة ملاعب عبارة عن كسر في الكاحل في مباراة كرة مع نادي الدحيل القطري ببطولة دوري أبطال آسيا وابتعدت عن الملاعب شهور بسببها، حتى يوم الحفلة كانت لسه رجلي متجبسة، وده المفروض دواء لعلاج الالتهاب وطبيب تونسي كان وصفه ليا، وبعته مع صديقة له وهي أعطته لأحمد عشان يوصله ليا، وتركت الدواء ده بالصالة واحنا قاعدين ومخدتش منه عشان كنت بالحفلة ملهي فيها.

وأوضح أحمد ياسر المحمدي: وبعدها بلغت إليانور أني هطلع أغير هدومي بغرفة نومي بالدور اللي فوق بالفيلا وهنزل تاني، وقالت لي أخدها أفرجها على البيت، وطلعت معايا فوق على طول حوالي الساعة 9:30 مساءً تقريبا واتفرجت على الغرف، بعدها دخلت معايا غرفة نومي واتفرجت على الغرفة وقعدت تشوف البرفيوم بتاعتي وأنا كنت بعرج ساعتها من الإصابة، بعدها أنا بدأت أغير هدومي عشان المعزومين على الحفلة كانوا قربوا ييجوا.

اللاعب أحمد ياسر المحمدي

وواصل أحمد ياسر المحمدي: راحت هي فردت جسمها على السرير ودخلت السرير جنبها وقعدنا نهزر شوية وبدأنا نداعب بعض، وعملنا علاقة كاملة من غير أي عنف وبرضاها، وكملت العلاقة معاها بشكل طبيعي.

وواصل: بعد ما خلصنا أنا قومت من على السرير كنت داخل استحمى لقيتها بتقول لي أنها حاسة أن أحنا اتسرعنا وبدأنا علاقتنا بعلاقة غير شرعية كده، قلت لها عادي يعني متزعليش اللي حصل حصل، ونزلت هي تدور على شنطتها وكنا قعدنا فوق حوالي ساعتين من بداية لما طلعت معايا تتفرج على البيت، وكان في ناس كتير جت مش فاكر مين بالظبط، وبعدها أنا نزلت تحت ولقيتها بتقول لي أنا طلبت أوبر من على موبايلها، وقلت لها استني نكمل الحفلة قالت لي إن هي عندها شغل الصبح، ووقفنا سوا قدام البيت نستنى سائق أوبر، وكررت لي تاني أنها مستاءة من أن بداية علاقتنا تبدأ بكدا وأن احنا اتسرعنا، ونفس الكلام قلتلها متفكريش في اللي حصل والموضوع جه كده.. 

 وانتظروا الجزء الثالث من نص التحقيقات….