أحمد فتوح في التحقيقات: عربية تانية كانت هتخبط الضحية وحاول يتفاداها فخبط عربيتي| انفراد

كشف أحمد فتوح لاعب نادي الزمالك في تحقيقات قضية التسبب في قتل المجني عليه أحمد السيد بالخطأ والقيادة تحت تأثير المخدر، عن أنه كان يقود سيارته الخاصة به متجه إلى قريه هاسيندا باي على الطريق الساحلي السريع في متنصف الطريق، وخلال السير تفاجأ بشخص يعبر الطريق وعليه توجه للحارة اليسرى ليتفاجأ به مكمل عبور الطريق وحاول تفاديه لكنه اصطدم به من جانب السيارة الأيسر.

تحقيقات أحمد فتوح لاعب الزمالك

ويستكمل القاهرة 24 انفراده بتحقيقات قضية أحمد فتوح لاعب نادي الزمالك، والتي حملت رقم 1939 لسنة 2024 جنايات قسم العلمين المقيدة برقم 1377 لسنة 2024 جنايات كلي مطروح.

أقوال أحمد فتوح لاعب الزمالك

وأكمل أحمد فتوح لاعب نادي الزمالك: إحنا طلعنا من قرية هاسيندا باي ومشينا على الطريق الساحلي  اتجاه مطروح ولفينا من أول کوبري ورجعنا تاني اتجاه الإسكندرية، وبعد كده لفينا تاني وروحنا مطاعم بالبو اللي جنب ريكسوس، أكلنا سوشي وسالمون وبعد كده اتحركنا من المطعم كنا راجعين هاسيندا باي تاني.

أحمد فتوح في التحقيقات: كنا رايحين نتعشى.. واتفاجئت بجزء من الجثة جنبي|انفراد

كواليس محاكمة أحمد فتوح بتهمة القتل الخطأ وتعاطي المخدرات

وعن سؤال كيفية وقوع الحادث خلال قيادته السيارة، أوضح أحمد فتوح لاعب نادي الزمالك أمام جهات التحقيق: اللي حصل أنا كنت ماشي في الحارة اللي في النص واللي خلاني أخد بالي أحمد حسن عشان مرة واحدة قالي حاسب فبصيت بسرعة لقيت واحد بيعدي وکان هيتخبط من عربية تاني وحاول إنه يفاديها فجري معايا في نفس الاتجاه وبعد كده خبط فيها، وبعد كده لقيت جزء من جسمه جوه العربية.

وأكمل أحمد فتوح لاعب نادي الزمالك أمام جهات التحقيق: محمد صبحي والعربية بتهدي نط منها وأحمد حسن نزل قعد يصوت وأنا هديته والضباط جه في ساعتها مكملش 5 دقايق، ومكنتش قادر أحدد المسافة بالظبط ما بيني وبين المجني عليه وهي حوالى من 15 إلى 20 متر، وكنت شايفه بس هو كان مش بعید أوى ومش قریب.

واستطرد أحمد فتوح لاعب نادي الزمالك أمام جهات التحقيق: أنا أول ما أخدت بالي منه ضربت فرامل وكلاكس بس مش للآخر عشان إحنا ماشيين عربيات ورا بعض، وحاولت أفاديه وجيت على الشمال، وكنت مذهول من اللي بيحصل.

انتظروا بقية التفاصيل والاعترافات تنشر لاحقًا في القاهرة 24..