أحمد ياسر المحمدي خلال التحقيقات: نيابة قطر استجوبت كل المعزومين في حفل عيد ميلادي | خاص
يواصل القاهرة 24، نشر الجزء الثالث من التحقيقات الكاملة في الواقعة، التي حملت رقم 3416 لسنة 2024، والمتهم فيها اللاعب أحمد ياسر المحمدي، بمواقعة فتاة دون رضاها، قبل أن يعود إلى مصر، لتقرر الجهات القضائية في قطر مخاطبة الإنتربول من أجل مخاطبة الجهات الأمنية المصرية لإلقاء القبض عليه، لاستكمال التحقيقات، وبالفعل هذا ما حدث.
تحقيقات أحمد ياسر المحمدي
وقال اللاعب أحمد ياسر المحمدي، المتهم بمواقعة فتاة إنجليزية دون رضاها: بعد لما هي مشيت كانت الساعة حوالي 11:30 مساء تقريبًا، وفضلت مع أصدقائي لحد الساعة 3 الفجر، وبعدها توجهت لبيت ناس صحابي وكملت السهرة عندهم وقعدنا نلعب كوتشينا لحد الساعة 6 الصبح، ورجعت بيتي تاني، وصحيت يوم 2021/5/19 العصر لقيت قطر كلها مكلماني والدنيا مقلوبة وقسم شرطة مدينة خليفة كلموني وبلغوني إن فيه بلاغ اغتصاب معمول ضدي.
وأضاف أمام جهات التحقيق: توجهت لقسم الشرطة وسألوني عن أني اغتصبت فتاة إنجليزية، وحكيت لهم اللي حصل وإن مغتصبتهاش وكل اللي حصل بنا كان برضاها من غير أي قوة، وبعدها اتعرضت على النيابة العامة القطرية، واتحقق معايا وطلبوا كل المعزومين في حفل عيد ميلادي، واتحبست شهر تقريبا.
تحقيقات قضية أحمد ياسر المحمدي
وتابع: بعدها أفرجوا عني بكفالة مالية، وبدأت محاكمتي واتحكم عليا بعدها عملت استئناف وخدت براءة في تهمة شرب الخمر وحبس 5 سنين في تهمة الاغتصاب، وطبعًا الدنيا اتقلبت هناك ورئيس النادي اللي بلعب فيه كان واخد موقف منى ومحدش مصدق إني مظلوم.
اللاعب أحمد ياسر المحمدي
وواصل أحمد ياسر المحمدي في التحقيقات: سافرت وتركت قطر في شهر سبتمبر 2022، وجيت مصر، فضلت مقيم مع أخي محمد بمنزله بمدينة العبور، وكنت بسافر كل شوية دبي وروسيا واجي مصر، وأنا عايز اثبت أني مغتصبتش الفتاة، والعلاقة اللي حصلت بنا يوم حفلة عيد الميلاد كانت برضاها مش بالعافية.
