رغم طلاقهما.. علياء بسيوني تهنئ أحمد سعد بعيد ميلاده: أنت أهم واحد في حياتنا يا حمادة
هنأت مصممة الأزياء علياء بسيوني طليقها الفنان أحمد سعد بمناسبة عيد ميلاده، مشيرة إلى أن وجوده بينهم أهم شيء في الحياة.
وقالت علياء بسيوني عبر حسابها الرسمي بموقع تبادل الصور والفيديوهات إنستجرام: اليوم مكنش هيعدي كده كل سنة وأنت طيب وألذ واحد في الدنيا كل سنة وأنت منور حياة كل اللي حواليك وأنا أولهم وطبعًا كل سنة وأنت أحلى حاجة في حياتنا ومقطعين بعض دايمًا، مكنش ينفع أعدي اليوم ده من غير ما أقولك أن وجودك أهم حاجة وبيخلي الدنيا أحلى ديمًا كل سنة وأنت طيب يا حمادة.
أحمد سعد عن طليقته علياء بسيوني
يذكر أن أحمد سعد، ظهر في لقاء تليفزيوني مؤخرا، وتحدث عن طليقته الرابعة علياء بسيوني، وقال في حواره مع الإعلامي محمود سعد، في برنامجه Sold Out: علياء لغاية دلوقتي هي الزوجة الرابعة، بس أنا تمام كده مش عايز أتجوز تاني، علياء ادتني كل التغيير في حياتي، والست هي المحرك الرئيسي للراجل، وأي راجل كان عظيم كانت الست هي الدافع ليه، وأي راجل فاشل الست هي اللي خلته فاشل، وده من تجربتي في الحياة أنا فاتح مكتب تجارب.
